Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Maliqi thirrje opozitës: Firmosni koalicionet dhe shpallni urgjent kandidatët

Politiko 16 Janar 2025, 10:55

Maliqi thirrje opozitës: Firmosni koalicionet dhe shpallni urgjent

Ish-deputeti Lefter Maliqi i ka bërë thirrje “opozitës së bashkuar” që të mos humbë kohë dhe të bëhen gati për zgjedhjet e 11 majit.

Gjatë një postimi në rrjetet sociale, Maliqi kërkon që të gjithë faktorët politikë (Ilir Meta, Fatmir Mediu, Vangjel Dule, Agron Duka etj) të ulen në një tryezë të përbashkët me Sali Berishën, kundër asaj që ai e quan “qeveria e krimit”.

Maliqi thekson që opozita nuk ka kohë për të humbur, prandaj duhet të kryhen sa më shpejt marrëveshjet për koalicionet dhe të shpallen kandidatët.

“Thirrje e sinqertë dhe e drejtpërdrejtë për “Opozitën e Bashkuar”, pasi nuk ka kohë!

Kryeni marrëveshjen për koalicionet, shpallni kandidatët; duhet të jemi të motivuar me shtabet, zyrat në çdo Degë, Bashki e Qark, si dhe të punojmë paralelisht fortë, në Bazë të porosisim njerëzit në çdo fis, lagje, fshat e qytet, që të organizojmë paralelisht evidentimin, njoftimin dhe t’i udhëzojmë për mënyrën se si të regjistrohen në Diasporë tek portali i KQZ.

Kryeni marrëveshjen dhe thërrisni shpejt Opoziten e Bashkuar dhe shqiptarët në “Sheshin Skënderbej” para “Kryeministrisë” në miting dhe protestë madhështore kundra Narkoshtetit për Qeveri Teknike, si domosdoshmëri për Zgjedhje të lira, pasi të dhënat janë që po shkon 200 Euro për person për emigrantët dhe 700 Euro për punëtorët sezonal me gjithe familjet që s’kanë adresë në, Greqi dhe Itali por janë me punë sezonale sepse eshte sezoni i vjeljeve ne bujqesi dhe janë të blerë ditën e votimit dhe duhet të jenë në Shqipëri. Mafia e parave të pista duhet shembur dërmuar me çdo mjet demokratik.

Koha nuk pret! Hajdutët, miliarderët, të korruptuarit me taksat e shqiptarëve, Ministrat, Kryetarët e Bashkive, Drejtorët, Deputetët e Rilindjes me paratë e pista, janë vërsulur si çakenj në Greqi, itali, Gjermani etj., hapin zyra, flenë në hotele luksoze, udhëtojnë me mjetet e tyre luksoze, me çantat me Euro, me karburantin e shtetit!

Këta të korruptuar, të pangopur, tjetërsues të votës së lirë me çdo mjet të paligjshëm, këta barkedërra të pa cipë, duan përsëri pushtet me çdo kusht, pasi kanë frikën e tyre, u ka hyrë frika deri në palcë, pasi këta çakenj me fitoren e opozitës do duhet të përgjigjen para popullit e Drejtësisë së pavarur, për pasuritë e tyre marramendëse që kalojne Miliona Euro.

Koha t’i ndalojmë; t’i ndëshkojmë këta çakenj të votës, të taksave të qytetarëve! Koha për përballje! Koha për punë të madhe në Bazë dhe me Diasporën!

Doktor Berisha, Ilir Meta, Fatmir Mediu, Vangjel Dule, Agron Duka etj. është radha jonë! Uluni, toleroni dhe na motivoni të fitojmë kundër Narkoshtetit sot, se nesër do jetë shumë vonë! Fitore”, shkruan Maliqi.