Flash News

Aksident tragjik në Itali, humbin jetën dy të rinj, mes tyre një shqiptar

Tragjedi në Turqi/ Zjarr në një hotel në Kartalkaya, 10 viktima dhe 32 të plagosur

Miliarderët e teknologjisë që morën pjesë në inaugurimit e Donald Trump

SPAK, ende në kërkim të parave të ‘incineratorit fantazmë’ të Tiranës

Trump shpall në minutat e tij të para në detyrë një "emergjencë kombëtare"

Ditari i Opozitës

Mandati i Xhaçkës, Bardhi-Spiropalit: Nuk na keni dhënë draft-opinionin e Komisionit të Venecias

Politiko 5 Dhjetor 2024, 10:53

Mandati i Xhaçkës, Bardhi-Spiropalit: Nuk na keni dhënë

Kreu i grupit parlamentar të PD, Gazment Bardhi kërkoi sqarim nga kryeparlamentarja Elisa Spiropali se pse PS po mbante të fshehtë draft-opinionin e Komisionit të Venecias për mandatin e Olta Xhaçkës.

Bardhi u shpreh se drafti u është komunikuar vetëm deputetëve socialistë duke përjashtuar grupet e opozitës.

“Drafti iu është paraqitur ju zyrtarisht dhe në shkelje flagrante të pozicionit tuaj, ju keni bërë me dije Grupin e PS, ndërkohë që tre grupet e opozitës nuk i keni vënë në pozicion draftin që në këtë kemi mundësi përpara diskutimeve të çojmë komentet tona. Ju mund t’ju mos ketë pëlqyer, ndaj e keni mbajtur të fshehur”, tha Bardhi.

Bardhi tha se delegacioni i ngritur nga Kuvendi është vetëm me deputetë të PS-së.

“Për herë të parë në historinë e Kuvendit, delegacioni përfaqësues në Komisionin e Venecias përbëhet vetëm nga deputetë të mazhorancës. Kjo nuk ka ndodhur kurrë më parë, pasi gjithmonë ka pasur përfaqësues të balancuar mes mazhorancës dhe opozitës,” tha Bardhi, duke shtuar: “A jemi shpallur armiq të popullit nga partia në pushtet? Keni për qëllim ta shpallni Shqipërinë njëpartiake?”, shtoi Bardhi.

Nga ana tjetër, Spiropali mohoi ekzistencën e një dokumenti zyrtar nga Komisioni i Venecias.

“Nuk ka asnjë draft për të ndarë. Kur të vijë një dokument zyrtar, ai do të ndahet me të gjitha grupet,” deklaroi Spiropali, duke e cilësuar akuzën si spekulim", tha Spiropali.

Të fundit