Flash News

Bëri një gjilpërë tek ambulance e lagjes, humb jetën e moshuara në Lushnjë

Pas Tiranës, KAS vendos edhe hapjen e kutive të votimit në Dibër

Saga e vrasjeve, Alibej: Nisi pasi dhashë vendndodhjen e Talo Çelës

Ndeshja Shqipëri-Serbi/ Tirana në “blindim total”: 2000 efektivë policie, kontrolle antidronë dhe kufizime të trafikut

Etel Haxhiaj sfidon policinë amerikane gjatë arrestimit të një emigranti, akuzohet për sulm

Ditari i Opozitës

Manipulimi i zgjedhjeve/ Vasili: Terrorizëm elektoral i vërtetë, tashmë i njohur edhe nga PE

Politiko 4 Qershor 2025, 16:58

Manipulimi i zgjedhjeve/ Vasili: Terrorizëm elektoral i vërtetë,

Deputeti i Partisë së Lirisë Petrit Vasili, ka komentuar vjedhjen dhe manipulimin e zgjedhjeve dhe ka dhënë komentet e tij pas qëndrimit të PPE dhe Parlamentit Evropian për votimet e 11 majit në Shqipëri.

Vasili në Syri tv: 11 maji në të tërë dimensionin me të cilin u zhvillua, nuk ishte vetëm farsë elektorale. Kam insistuar dhe do ta them sërish. Ishte një terrorizëm elektoral i vërtetë. Sepse në një proces zgjedhor, kur kriminelët, narkotrafikantët, rrugaçët ordinerë, paratë e krimit, veprimet e dhunshme, përfshirja e shtetit, bërja njësh me kriminelët, e kthen këtë, në një akt terrorist të shtrirë në të gjithë territorin me objekt grabitjen e zgjedhjeve. Dhe përballë një terrorizmi të tillë elektoral tashmë të certifikuar, pasi provat janë me mijëra dhe kjo hordhi xhagurejsh të lëshuar jashtë kontrollit, sigurisht nuk mund të bënin gjë tjetër vetëm të vetë demaskoheshin sigurisht që ka shqetësuar dhe ka ngritur në këmbe të gjithë Evropën, e cila është bërë më në fund e qartë dhe ndjeshme që një vatër, një narkoshtet i vërtetë në të tërë elementët e tij është instaluar në Shqipëri. Është instaluar prej kohësh.

Por ky sensibilitet po shqetëson në mënyrë të veçantë Evropën. Arsyeja është shumë e thjeshtë. Të tërë kriminelët, narkotrafikantët, lartë e poshtë nëpër Evropë. Atë që kanë nevojën e tyre me të mëdha është që të kenë një bazë ku të funksionojnë të paprekur. Dhe në Shqipëri për shkak të një qeveria të bërë njësh me krimin, i një narkoqeverie me tërë kuptimin e plotë të fjalës, kanë tashmë bazën për të organizuar veprimtarinë kriminale e cila, praktikisht afekton të gjithë Evropën. Sepse për çdo çështje që u ndodh, narkotrafikantët kur rrezikohen nga politika e vendeve Evropiane, kanë strehim të plotë dhe të qetë në Shqipëri sepse i mbron një qeveri e cila është njësh me ta e që i përdor ata jo vetëm për përfitimet e saj të jashtëzakonshme por edhe për të marrë sërish votat duke krijuar të gjithë mjetet që këto enë komunikuese qeveri – krim të vazhdojnë të funksionojnë si më parë.

Ndaj deklarimi shumë i rëndë i kryetarit të komisionit të vëzhgimit të PE Gahler, që kriminelët pengojnë ndryshimin e pushtetit, është gjëja më e rëndë që mund të jetë thënë në 35 vjet të pluralizmit shqiptar. Sepse është konfirmimi që kriminelët kanë qeverinë e tyre. Dhe sigurisht që nuk duan dhe nuk u intereson kurrë që të ndryshojnë këtë qeveri dhe zoti Gahler ka vijuar edhe më tej sepse e gjithë kjo parajsë e pastrimit të parave të krimit që ushqen krimin por edhe qeverinë, por mbahet gjallë duke mbajtur në këmbë qeverinë e Edi Ramës.