Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Marrëveshja për refugjatët, Bardhi: Rama po rrezikon sigurinë publike të shqiptarëve

Politiko 6 Nëntor 2023, 21:48

Marrëveshja për refugjatët, Bardhi: Rama po rrezikon

Kreu i grupit parlamentar të Partisë Demokratike Gazment Bardhi komentoi marrëveshjen mes Shqipërisë dhe Italisë për emigrantët.

I ftuar në studion e emisionit “Open”, në News24, Bardhi u shpreh se kjo marrëveshje është një akt që tregon se Rama e ka kthyer Shqipërinë në një çiflig të tij personal, ndërsa shtoi se kreu i qeverisë duhet të kishte bërë transparencë.

Ai shtoi se kryeministri po tregohet i papërgjegjshëm duke vënë në rrezik sigurinë publike të qytetarëve.

“Ky është një lajm që konfirmon ato të që kanë qarkulluar më parë. Që vizita e kryeministres Meloni në verë ka qenë pikërisht për këtë marrëveshje. Personalisht nuk e kam besuar këtë lajm. Është një nga këto aktet që tregon se Rama e trajton Shqipërinë si çifligun e tij personal. Për këtë marrëveshje duhet bërë transparencë. Çdo vendim që merret do duhet të jetë transparente dhe të krijojë siguri.

Shqipëria nuk ka kapacitete për të pritur një numër kaq të lartë të emigrantëve. Shqipëria nuk ka kapacitete për të luftuar trafikun e qenieve njerëzore. Ky mund të jetë një burim i ri për këtë trafik nga grupet kriminale.

Ajo që është irritues është se vizita ishte surprizuar dhe se Rama s’mund të rrezikojë sigurinë e shqiptarëve, pa e bërë transparente. Pra rrezikohet siguria publike e shqiptarëve. Nuk ka nënshkruar një marrëveshje që do i mirëpresë këta emigrantë në shtëpinë e tij në Surrel.

Një kryeministër i përgjegjshme që s’ka gjë për të fshehur, para se të firmosë duhet të shpjegojë se çfarë ka ndërmend të firmosë. Për vendime të tilla që prekin jetën e çdo qytetari ne kemi një terr informativ dhe zero informacion. Ne e marrin vesh këtë lajm  nga mediat italiane.”, u shpreh Bardhi.

 

Të fundit