Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Ditari i Opozitës

Mbyllet protesta në Strasburg, Paloka: PPE do të mbështesë PD në procesin zgjedhor dhe luftën ndaj korrupsionit

Politiko 23 Tetor 2024, 13:39

Mbyllet protesta në Strasburg, Paloka: PPE do të mbështesë

Është mbyllur protesta e opozitës në Strasburg para Parlamentit Evropian.

Deputeti demokrat Edi Paloka u shpreh për mediat se PPE mbështet Partinë Demokratike në procesin zgjedhor dhe vlerëson kontributin e saj në luftën kundër korrupsionit, pastrimit të parave dhe krimit të organizuar.

Paloka theksoi se Shqipëria si vend anëtar i NATO-s duhet të respektojë votën e lirë të qytetarëve dhe të zbatojë rekomandimet e OSBE/ODIHR.

“Meqë grupi që është nëpër takime po vazhdon takimet, edhe jashtë axhende, po ju jap një informacion lidhur me takimet që kanë zhvilluar deri më tani me kryetarin e Komisionit të Jashtëm në Parlamentin evropian, Mekalister dhe eurodeputetë të tjerë të grupit të PPE, të cilët janë informuar për situatën politike në Shqipëri, për sulmin e vazhdueshëm ndaj opozitës nga mazhoranca, burgosjen politike të lidershipit të opozitës, ndikimin e krimit të organizuar dhe korrupsionit në situatën në vend.

PPE mbështesin PD-në, vlerësojnë kontributin e saj në mbështetje të integrimit evropian dhe kërkojnë luftë të ashpër ndaj krimit të organizuar, korrupsionit, pastrimit të parave dhe influencës së tyre në qeverisjen aktuale.

PPE do mbështesin PD-në në procesin zgjedhor dhe në luftën e saj të opozitës në përgjithësi për zgjedhje të lira dhe të ndershme.

Shqipëria si vend anëtar i NATO-s, duhet të respektojë votën e lirë të qytetarëve dhe të zbatojë detyrimisht rekomandimet e OSBE/ODIHR.

Këto janë informacionet që kanë dërguar kolegët nga brenda, që vazhdojnë të kenë takime, për të cilat do u informojmë. Meqenëse protesta kishte një orar, ne do e zbatojmë, nuk jemi në mosbindje civile në Strasburg,” tha Paloka.

Të fundit