Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Mediu përplaset me Alibeajn për Reformën Zgjedhore: Nuk ka nevojë për komision, kemi çorganizimin

Politiko 31 Tetor 2022, 12:55

Mediu përplaset me Alibeajn për Reformën Zgjedhore: Nuk ka

Komisioni i Posaçëm Parlamentar për Reformën Zgjedhore është shoqëruar me debate.

Enkelejd Alibeaj teksa fliste mbi ekspertizën mbi garantimin e zgjedhjeve të lira dhe të ndershme, u kundërshtua nga kreu i PR Fatmir Mediu.

Deputeti opozitar i është drejtuar Alibeajt duke i thënë se komisioni nuk ka funksionuar asnjëherë kështu dhe se ka një çorganizimin. Alibeaj i është kthyer Mediut duke i thënë se mund të largohet nga komisioni nëse do dhe se nuk ka asnjë çorganizimin për të cilën flet opozitari.

Pjesë nga debati:

Alibeaj:

Ju mund të ankoheni për punën voluminoze të zotit Sefa, më ndjeni kur ju them që puna juaj e ekspertizës është të sugjeroni juve vetë se cilat do të ishin zgjedhjet tuaja duke mbrojtur interesat e përfaqësuesit tuaj në këtë komision, por nuk është pozicioni juaj që të prisni derisa një ekspert tjetër sjell një sugjerim dhe të bëni kritikun. Do preferoja që secili prej jush të sugjeroni në mënyrë të pavarur. Nëse ju do jepni sugjerime të tilla zoti Sefa nuk do thotë kurrë që nuk ka kohë për tu përgjigjur në mënyrë të menjëhershme. Interesi juaj është të mbroni atë që mendon formacioni juaj politik, vetëm në këtë mënyrë mund të ecim. Eksperti i PD do ketë sugjerimet e veta, jeni të lutur t’i merrni e t’i analizoni, mirë është të mos kërkoni kohë të paarsyeshme për t’i kritikuar.

Mediu:

Nuk ka nevojë për komision, ka nevojë vetëm për ju të dy, nuk ka funksionuar ndonjëherë kështu ky komision, ka pasur debat dhe zgjidhje në komision. Kjo nuk është reforma e asnjë partie, është për të garantuar zgjedhje të lira e të ndershme, për çfarë duhet grupi i ekspertëve nëse është kështu. Këtë debat e kemi bërë që në fillim, çështja është çorganizimi total që kemi ne.

Alibeaj:

Këtë nuk e pranoj unë. Çorganizim këtu nuk ka, mund të ikësh po të duash. Kërkuat ekspertizë, ekspertët i keni, të ndodhë që eksperti i PD të punojë dhe ai të kërkojë dritë jeshile nga ekspertët e partive të tjera nuk do ndodhë kurrë, të kundërtën po bëjmë, po vendosim ekspertët e partie të tjera në kushtet e ekspertit të PD. Kemi interesin më të madh që materialet kryesore të vijnë nga PD, por dhe ekspertët e tjerë do duhet që të punojnë dhe të japin zgjidhje për të kënaqur interesat e partive që përfaqësojnë. Jo vetëm që nuk ka ekspertë të kategorive A B dhe C, kam bërë që ekspertiza të jetë në kushte të njëjta për të gjithë.