Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Mesazhet e koduara të Veliajt në TikTok, Këlliçi: Presion ndaj të vetëve! Problemi i tij është Gjykata e Lartë

Politiko 18 Qershor 2025, 10:51
Mesazhet e koduara të Veliajt në TikTok, Këlliçi: Presion
Belind Këlliçi

Drejtuesi politik i Partisë Demokratike në Tiranë, Belind Këlliçi, ka komentuar zhvillimet më të fundit politike në vend, teksa është ndalur te lëvizjet e kryebashkiakut Veliaj në rrjete sociale dhe te "Dosja 5D".

I ftuar në Syri TV, Këlliçi u shpreh se Veliaj të gjitha mesazhet i ka presion ndaj të vetëve dhe këto lëvizje po i bën në kuadër të vendimmarrjes së fundit që është Gjykata e Lartë, seancë e së cilës është caktuar të mbahet më 8 korrik.

Këlliçi ka hedhur më tej akuza të rënda ndaj ministrit Arbjan Mazniku i cili sipas Këlliçit ka firmosur për rrugët elektorale ku punët i bënte bashkia e paratë i marrte 5D për të blerë vota.

Belind Këlliçi: Edhe një hërë. Pra rruga shtrohej me asfaltin e bashkisë Tiranë, me punonjësit e bashkisë Tiranë, me makineritë e bashkisë Tiranë dhe në përfundim kur po mbaronte rruga hapej tenderi për të filluar punimet e rrugës, fiktivisht. Që e merrte nje kompani fiktive që mbante vetëm detyrimet ndaj shtetit dhe paratë e tjera i kthente “kesh”. Kjo ishte skema për 70 rrugë në Tiranë. I kthente “kesh” te drejtorët e 5D në Tiranë për të blerë vota në fushatë. Kur u bë denoncimi. U akuzuam ne, u akuzova unë, u quajt mashtrim. U çova nëpër gjykata për shpifje etj etj.. .Por me sa duket, unë e kallëzova menjëherë këtë aferë. Depozitova në SPAK një kallëzim. Në mënyrë të çuditshme, por sot koha e ka treguar me vendosmërinë e tyre kokëfortë SPAK-u e hoqi nga ana e vet e delegoi për moskompetencë në prokurorinë e Tiranës këtë çështje. E largoi pataten e nxehtë, edhe pse është korrupsion i zyrtarëve të nivelit të lartë. Pra edhe pse unë kisha kallëzuar kreun e bashkisë së Tiranës, e hoqi nga vetja. Dhe për hir të së vërtetës pas dy vitesh. Unë kam qenë para pak muajsh në prokurori për të dhënë edhe unë dëshminë sërish për këtë çeshtje e rikthen në SPAK se me sa duket kanë patur indicie dhe kanë arritur tek firma e titullarit të autoritetit kontraktor që në këtë rast me sa duket është Arbjan Mazniku. Dhe kjo çeshtje është në SPAK dhe kësaj i referohet me sa kuptoj unë edhe postimi i Erion Veliajt në tik tok ku thotë që herët a vonë karma do të godasë.

Pyetje: A keni një koment se çfarë po godet dhe çfarë mesazhesh po jep Erion Veliaj nga qelia?

Belind Këlliçi: Është e qartë. Mesazhet e tij të fundit, deri para datës së Gjykatës së lartë dhe nga përgjimet që janë publikuar në media. Edhe të gjithë thashethemnaja politike, Carlo Bolino edhe Arbri i madh flitej në një vend që i bie që të jetë Mazniku.  Në thelb problemi i tij është 8 korriku me sa kuptoj se ditën e djeshme e kam parë që ka venduar gjykata e lartë. Dhe shpresa e tij e fundit është që të lirohet në Gjykatë të Lartë. Pra kur themi të lirohet, është ti zbutet masa e të shkojë që të ketë mundësi që të dalë në qelia. Të gjitha këto janë forma presioni dhe shantazhi ndaj të vetëve. Pra nuk ka lidhje me persona të tjerë, ndaj të vetëve, për ta liruar.Mos harro që është i vetmi zyrtar që me datë 12 shkurt të këtij viti, 2 ditë pasi u arrestua, organizoi protestë të dhunshme para SPAK ku janë linçuar, fyer, sharë me libër shpie prokurorët e SPAK dhe gjyqtarët e GJKKO. Ku në një rast të të paprecedentë u penguan makinat, u pengua lëvizja. Ju drejtuan me letër zyrtare Policisë së Shtetit GJKKO dhe SPAK dhe nuk morën përgjigje. As garda dhe askush nuk u paraqit. Dhe kjo ishte dhe një nga deklaratat që po qarkullon për një ndërhyrje e drejtpërdrejtë në intimdimin dhe shantazhin e drejtësisë. Pra ky individ të gjitha këto lëvizje po i bën në kuadër të vendimmarrjes së fundit që është Gjykata e Lartë. Ku logjika ta do që me faktet penale, me korrupsionin e faktuar tashmë dhe me përgjimet që janë bërë në qeli, ku ai shantazhon.

Të fundit