Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Mesazhi fyes i Ferit Hoxhës ndaj shqiptarëve, Berisha: Deklaratë e turpshme, dorëheqja akt i domosdoshëm

Politiko 25 Prill 2026, 14:15

Mesazhi fyes i Ferit Hoxhës ndaj shqiptarëve, Berisha: Deklaratë

Gjatë bashkëbisedimit me qytetarët në rrjetet sociale, kryetari i Partisë Demokratike, Sali Berisha reagoi lidhur me deklaratat fyese prej ministrit të Jashtëm, Ferit Hoxha, për shqiptarët e Maqedonisë së Veriut.

Berisha e cilësoi gjuhën e përdorur si të papranueshme dhe në kundërshtim me detyrimet kushtetuese të shtetit shqiptar për mbrojtjen e bashkëkombasve jashtë kufijve, duke kërkuar përgjegjësi politike për këtë çështje.

Geraldina Kola: Zoti Berisha, Kushtetuta obligon Tiranën zyrtare të mbrojë shqiptarët jashtë kufijve, por ministri i Jashtëm, Ferit Hoxha, i quani idiotë. Ku është dallimi mes kësaj deklarate të Hoxhës dhe thirrjeve të maqedonasve që thonë, shqiptari i mirë është shqiptari i vdekur?

Sali Berisha: Kjo është një deklaratë kriminale, antishqiptare, e turpshme, prej një gangsteri, që ka humbur çdo integritet, që ka humbur çdo element të ndërgjegjes kombëtare dhe tejkalon. Bravo, ju e thoni vetë, barazohet me ultranacionalistët më të verbër maqedonas dhe serbë.

Dorëheqja e tij urgjente është akti i domosdoshëm. Ky etiketim që u bëri ai dhe përpjekja e turpshme që bëri për ta fshehur, unë e përgëzoj zotin Këlliçi, i cili zbuloi një akt të tillë kriminal, një akt të tillë të pashembullt.
Të quash idiotë shqiptarët e Maqedonisë, se ata nuk mbrojnë Pashiqin, kryeministrin më të mirë të serbëve pas Pashiqit, Edi Ramën, do të thotë të jesh një tradhtar më i keq se ai. Një gjuhë gangsteri dhe vagabondi. Për të cilën ai duhet të japë menjëherë dorëheqje. Dhe jo të fshihet. Belind Këlliçi i nxori dokument, i nxori mesazhet e ambasadorit.
Shikoni se kush e ka, shikoni çfarë gangsteri është në politikën e jashtme të Shqipërisë, drejton politikën e jashtme. Sigurisht, vetëm ai mund të zgjidhej nga Edi Rama, nuk mund të zgjidhej kush tjetër. Akt i pashembullt, i padëgjuar ndonjëherë. Dhe pse? Sepse s'mbrojtën Edi Ramën ata. Po si mund të mbrohet Edi Rama, një tradhtar i kombit? Pse je ti lakej i tij? E dënueshme, plotësisht.

Të fundit