Meta komenton largimet nga LSI: Patëm në Vlorë emra problematikë me dekriminalizimin, bëmë mirë që s’i mbrojtëm

Nasip Naco dhe Ilir Meta

Presidenti Ilir Meta ka komentuar largimet e disa emrave të njohur të LSI-së si ish ministrat Nasip Naço, Lefter Koka apo së fundmi edhe Gledion Rehovica.

Nga Vlora në një bashkëbisedim me gazetarët, Meta fillimisht tha se kjo nuk është çështje që i përket ta komentojë, por dha një mesazh për partitë politike që të promovojnë sa më shumë figura të reja dhe pa probleme me dekriminalizimin.

“Kjo nuk është çështja ime. Por do thoja që të gjithë forcat politike të promovojnë figura të reja me integritet që luftojnë për interesin publik dhe që luftojnë cdo ditë.

Persona që nuk i fshihen kamerave, debateve, të jenë figura të pastra dhe pa probleme me dekriminalizimit se ka pasur LSI edhe këtu në Vlorë figura me probleme me dekriminalizimin dhe ka bërë shumë që s’i ka mbrojtur, që është pastruar”, tha Meta.

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm