Flash News

Xhabaftët në Vorë dhe streha e patronazhistëve, Zannier: Duhet veprim për mosreagimin e policisë

Raporti i OSBE/ Kreu i delegacionit të vëzhgimit: Presione e shit-blerje vote, duhet rritur transparenca

Ndërron jetë turistja austriake, që u plagos në aksidentin në aksin Himarë-Borsh

OSBE raporton gjetjet e 11 Majit: PS përfitoi nga burimet administrative, falja e gjobave krijoi pasiguri në kuadrin zgjedhor

“Ka shkelje!”/ Ndërpritet numërimi i votave në KZAZ 17 në Klos

Ditari i Opozitës

Meta mbledh strukturat e Partisë së Lirisë: Rama e betonizoi Tiranën, kryeqyteti ka për të marrë hak

Politiko 10 Gusht 2022, 19:09

Meta mbledh strukturat e Partisë së Lirisë: Rama e betonizoi

Kreu i Partisë së Lirisë, Ilir Meta, ka zhvilluar sot takimin e parë me strukturat dhe përfaqësuesit e saj për Tiranën.

Në fjalën e tij Meta u shpreh se kryeministri Edi Rama ka qenë nismëtari për betonizimin e kryeqytetit. Meta e konsideroi Ramën një ‘pushtues’ që e ka nisur karrierën në Tiranë me 20% dhe tani po e vazhdon me 500%, duke pohuar se qeveria po i bën rrugët 6-fish më shtrenjtë edhe se në Serbi.  

Kreu i Partisë së Lirisë u shpreh se Tirana do të jetë e para që do të luftojë kundër Tiranë së Betonit.

“Kundër Tiranisë së Betonit se tha dikush këtu është pak nxehtë. Po normal gjithë ky beton këtu. Gjithë ky bllokim i korridoreve ajrore të Tiranës. Normale se Shqipëria ka pasur dhe pushtues të përgjegjshëm nuk ka vetëm pushtues që e nisën karrierën me 20% në Tiranë dhe tani e vazhdojnë me 500%. Se i bën rrugët 6-fish më të shtrenjta se Serbia. Dhe Tirana ka përjetuar më shumë së gjithkush tiraninë e këtij sekti akut dhe antikombëtar që e nisi duke u përpjekur të vjedhë meritat e ish kryeministrit Ilir meta për t’i rikthyer Tiranës parqet e gjelbërta. Për të ruajtur atë trashëgimi kulturore që kishte Tirana nga e kaluara siç ishte Teatri Kombëtar për ta kthyer sot në Tiranën e betonit ku nuk dallohet më kulla e Sahatit se kanë lindur kulla të tjera qiellgërvishtëse. Tirana ka hak për të marrë në kuptimin e vërtetë të kësaj fjale, shumë shpejt për t’ia kthyer padrejtësinë me drejtësi”, tha Meta.

 

Të fundit