Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Meta me strukturat e PL: Bëjnë sikur mbjellin pemë, por ‘shkulin’ çdo ditë njerëz nga vendi

Politiko 12 Prill 2023, 20:43

Meta me strukturat e PL: Bëjnë sikur mbjellin pemë, por

Kryetari i Partisë së Lirisë, Ilir Meta ka ironizuar kryebashkiakun e Tiranës, Erion Veliaj për premtimin e tij për mbjelljen e 1 milionë pemëve në kryeqytet.

Duke folur në një mbledhjeje me strukturat drejtuese të Partisë së Lirisë, Meta tha se eksponentët e Partisë Socialiste bëjnë sikur mbjellin pemë, por sipas tij, ata në fakt “shkulin” përditë njerëz nga Shqipëria.

“Ne kemi luftëtarë të interesit publik, ndërsa ata kanë rrogëtarë të rilindjes. Ndaj qytetarët do të votojnë luftëtarët e interesit publik. Premtimi për transportin e tij është një premtim i guximshëm, por i realizueshëm. Ndihmon 200 mijë qytetarë të Tiranës. Unë vetë nuk kam udhëtuar ndonjëherë me urbanë, por e di sesa e vështirë është që të ndërrosh 2 autobuza. Përballë tij kemi një kryebashkiak që premton ujë. Mos harroni se para disa viteve thoshte do u sjellim ujë Korçe me çmim Bathoreje. E thashë këtë gjë për të kuptuar ezaurimin total të rilindjes.

Këta kandidatë janë më të fortët në Shqipëri, pasi kanë dalë nga vota e lirë. Këta janë kandidatë të papërballueshëm. Boçi, Cara dhe Belindi i kanë ftuar përballë kandidatët e rilindjes. Por ju e dini që ata e kanë shumë të vështirë të dalin para qytetarëve. Sepse ata kanë pasur mundësinë më të madhe se kushdo për të bërë diçka për qytetet. Mesazhi jonë është i qartë, na jepni fuqi, t’ju japim llogari. 14 maji do të jetë një ditë e madhe për demokracinë. Merr fund eksperimenti për të vendosur monizmin në çdo institucion. Nuk ka vend as në Afrikë që të mos ketë opozita një këshilltar në bashki. Rilindja pasi mbolli kulla për disa vite në Tiranë, tani 30 ditët e fundit u kujtua të mbjellë ndonjë pemë. Shumë shpejt do të bëhet inventari i atyre 1 milion pemëve që nuk ekzistojnë.

Këta bëjnë sikur mbjellin pemë dhe në fakt çdo ditë shkulin njerëz nga Shqipëria. Kanë program si ti lodhin e torturojnë qytetarët. Sa gjoba i janë vënë qytetarëve të Tiranës, vetëm për ti frikësuar dhe për t’i mbajtur peng. Të ecim drejt 14 majit, kësaj dite të demokracisë dhe të shpresës. Në takimin e të shtunës, në atë stadium, do të jetë e jashtëzakonshme, aq sa Albano e Romina erdhën dhe kënduan këngë shprese për shqipërinë. Është një rrugë shprese që ka treguar se një popull që fle në demokraci, zgjohet në diktaturë. Do t’u japim edhe referendumin qytetarëve, në mënyrë që në këtë vend zot të jenë shqiptarët dhe jo kusarët”, u shpreh Meta.