Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Ditari i Opozitës

Meta për Portin e Durrësit: Thellohet skandali me pasoja katastrofike për ekonominë, qeveria s’bën transparencë

Politiko 8 Nëntor 2022, 12:20

Meta për Portin e Durrësit: Thellohet skandali me pasoja katastrofike

Në një konferencë për mediat, kryetari i PL-së, Ilir Meta foli për projektin e Portit të Durrësit. Ai tha se skandali është thelluar pasi qeveria nuk po bën transparencë për pyetjet që ka ngritur pak kohë më parë opozita, që lidhen me detaje të këtij plani.

“Vazhdon të thellohet më tej skandali i portit të Durrësit dhe dalin më qartë përpjeke e paligjshme të qeverisë dhe kryeministrit  për të bllokuar transparencën për informacionet që janë e kërkuar sipas ligjit dhe kushtetutës që në datën 15 gusht, nga deputeti Vasili”, tha Meta.

Ky i fundit solli edhe një herë në vëmendje pyetjet dhe detajet që kërkon të jetë në dijeni opozita dhe opinion publik.

A është dhënë statusi i investitorit strategjik? Nëse po, cilës kompanie i është dhënë ky status?

Jeni shprehur publikisht se investitori do të jetë “Emaar Group” ndërkohë në memorandumin e firmosur nuk përmendet gjëkundi “Emaar Group”?

Analiza financiare si detyrim ligjor për marrjen e statusit të investitorit strategjik nga cila kompani është paraqitur? A parashikohet, që ashtu sikurse në rastin e inceneratorëve prona publike të mund të lihet kolateral në bankat shqiptare apo të huaja në funksion të marrjes së kredive nga kompanitë e përfshira në memorandum?

Cila është kosto e Portit të ri tregtar dhe sa është kohëzgjatja e realizimit të ndërtimit të këtij porti? Ndërtimi i portit të ri tregtar do të realizohet me fonde të  buxhetit apo do kërkohet një tjetër borxh? Cili është qëndrimi zyrtar i institucioneve të Bashkimit  Evropian për këtë projekt?

Këto ishin disa nga pyetjet që ngriti Meta, i cili paralajmëroi se projekti i Portit të Durrësit mund të ketë pasoja katastrofike për ekonominë e vendit.

“Është e qartë se kjo është aferë tipike mafioze kundër interesave kombëtare, strategjike edhe në drejtim të sigurisë kombëtare dhe të pozitës së Shqipërisë sa i takon rolit të saj sa i takon zhvillimit ekonomik të gjithë rajonit. Është aferë që mund të rezultojë me pasoja katastrofike për vendin dhe për mungesën e zhvillimit të së ardhmes dhe për vetë financat publike”, tha Meta.

 

Të fundit