Flash News

E rëndë në Tale të Lezhës! Ekzekutohet në oborrin e banesës 57-vjeçari

Plagosja e djeshme në Durrës, 36-vjeçari ishte me dy të mitur në makinë kur u qëllua

AMP arreston në flagrancë dy punonjës policie dhe pezullon nga detyra një tjetër

Alarmi për bombë në një hotel në Tiranë, çfarë zbuloi policia

Video/ Alarmi për bombë në parkingun e një hoteli në Tiranë, reagon policia

Ditari i Opozitës

Meta: Shqipëria u përgjysmua nga popullsia, por Bashkitë rritën personelin me 90%

Politiko 9 Gusht 2024, 18:05

Meta: Shqipëria u përgjysmua nga popullsia, por Bashkitë

Presidenti i Partisë së Lirisë, Ilir Meta ngre alarmin se ndërsa popullsia është përgjysmuar, personeli në bashki është dyfishuar.

Në një konferencë për mediat, Meta tha se edhe shpenzimet janë trefishuar.

Meta: Numri i punonjësve krahasuar me vitin 2015 është rritur në 17 483 vetë më shumë, ose rreth 90%. Pra Shqipëria në këto 11 vite të qeverisjes është përgjysmuar popullsia, por, personeli nëpër bashki është gati dyfishuar, ndërsa shpenzimet për paga personeli, janë tre fishuar, 2.8 herë më shumë.

Dhe këto janë taksat e qytetarëve shqiptarë që paguajnë në çdo bashki, për shërbime që si marrin kurrë, por që shkojnë në rroga kryesisht, për punë patronazhistësh.

Trendi rritës i shpenzimeve të personelit evidenton dështimin skandaloz të kësaj, reforme për të krijuar struktura administrative më efiçiente përmes uljes së numrit të të punësuarve.

Gjithashtu, një trend shqetësues dhe alarmant mbetet pesha e ulët e investimeve, pas reformës administrative-territoriale.

Pas kësaj reforme, është e qartë se situata është përkeqësuar, me një rënie të ndjeshme vjetore të shpenzimeve për investime.

Nga 31.3% e totalit të shpenzimeve për investime që ishte në vitin 2013, totali i investimeve ka rënie të theksuar në 23.8% të totalit të shpenzimeve në vitin 2023.
Është tepër llogjike, përderisa rritet pesha e shpenzimeve për paga, për personal, për patronazhistë, do të bjeri pesha e investime për shërbimet ndaj komunitetit, për rrugët, për ujësjellësat, për kopshtet, dhe shumë shërbime të tjera të përditshme, që ka detyrim pushteti vendor.

Rënia e ndjeshme e shpenzimeve të investimeve tregon dhe një herë më shumë dështimin skandaloz të kësaj reforme, për të ndikuar më shumë në përmirësimin e jetës së qytetarëve.

Të fundit