Flash News

I shoqëruar nga familja, Berisha voton në QV-në e shkollës “Kosova”

Finiq/ Mosparaqitja e komisionerëve bllokon votimin, policia niset për t’i marrë

Probleme edhe në Shijak/ Pajisja biometrike nuk njeh shenjat e gishtërinjve të votuesve

Krimi elektoral në Belsh, Prokuroria e Elbasanit 4 punonjës të IMT pas kallëzimit të PD

Incident në Giro d’Italia, qytetari përplaset nga çiklisti

Ditari i Opozitës

Meta takim me banorët e Njësisë 5: Arsimi në kryeqytet në gjendje alarmante

Politiko 21 Mars 2023, 15:31

Meta takim me banorët e Njësisë 5: Arsimi në kryeqytet

Kreu i Partisë së Lirisë Ilir Meta ka vijuar turin e takimeve me banorët e Tiranës këtë të martë, duke u ndalur në njësinë Nr.5, ku dëgjoi nga afër problemet e qytetarëve.

Gjatë takimit Meta shtoi se arsimi në kryeqytet është në një gjendje të rëndë dhe është një nga arsyet kryesore të largimit të familjeve nga Shqipëria.

“Sot u takova me prindër, banorë të Njësisë Nr.5 në Tiranë, ku dëgjova zërin e tyre në lidhje me problemet që shqetësojnë familjet e tyre lidhur me arsimin. Mungesa e çerdheve, e kopshteve, e shkollave dhe cilësia dhe standardet e dobëta janë kthyer në një shqetësim të përditshëm për banorët e Tiranës. Sot arsimi në kryeqytet është në një gjendje të rëndë dhe është një nga arsyet kryesore të largimit të familjeve nga Shqipëria”, tha Meta.

Meta takim me banorët e Njësisë 5: Arsimi në kryeqytet

Meta akuzoi drejtuesit e pushtetit lokal dhe qeverinë qëndrore për kemenaxhimin e të ardhurave që grumbullohen nga taksat e qytetarëve, të cilat shkojnë te inceneratorët dhe për tenderë abuzivë, në vend që të investohen në arsim.

“Paratë që duhet të përdoreshin për rritjen e cilësisë së arsimit, Bashkia e Tiranës i shpërdoron dhe i vjedh për inceneratorë që nuk ekzistojnë. Ne kemi vendosur ta ndryshojmë patjetër këtë situatë, prandaj e kemi shpallur arsimin kryeprioritet të Partisë së Lirisë. Gjithçka në funksion të një arsimi cilësor për fëmijët e shqiptarëve, që ata ta ndërtojnë të ardhmen e tyre në Shqipëri”, u shpreh Meta.

 

Të fundit