Flash News

Ceno Klosi me mbi 800 vota të vjedhura, Balluku gjen si arsye lodhjen e numëruesve

"Fast & Furious" në ish-Bllok, policia ndjek një Audi Q8, përplasen 4 makina

Makina përplas dy turistë me motoçikletë në Fushë Arrëz, humb jetën njëri prej tyre

Aksident i rëndë në Thumanë, një i vdekur, 3 të plagosur

Gjykata e Durrësit pezullon nga detyra drejtorin e Arsimit Parauniversitar

Ditari i Opozitës

"Mos guxo të hysh nesër në bashki", Berisha-Veliajt: Pse ia kalove ndërmarrjen publike të mbetjeve privatit?

Politiko 27 Maj 2024, 20:50

"Mos guxo të hysh nesër në bashki", Berisha-Veliajt:

Kryedemokrati Sali Berisha u ndal edhe te protesta e opozitës që pritet të mbajë opozita nesër para bashkisë Tiranë.

Nga tubimi qytetar, Berisha paralajmëroi kryebashkiakun Erion Veliaj të japë dorëheqjen, ndërsa e pyet se pse iu desh të kaloje ndërmarrjen publike të mbetjeve privatit. 

Berisha: Erion Veliaj, mos guxo të futesh nesër në bashki.

Mos provoko qytetarët.
Jep dorëheqje dhe largohu.
Se hajdut si ti nuk ka njohur...
Thuaju pak qytetarëve të Tiranës pse duhej t’ia kaloje ndërmarrjen publike të mbetjeve privatit?
Si mundet t’i jepje asaj, 3R-së dhe kushëririt të Redi Mollës tokë për landfill pa vendim të Këshillit Bashkiak?
Kur ua dhe këtyre, Erion pse nuk e bëre me tender, por ua dhe nën dorë?
Hajdut si ti nuk ka parë toka.
Po marrëveshjen me Miloranzin e Veronës apo u bëre më këtë rast anëtar i Ndraghetës?
Eko-Tiranën ia shite kompanisë së inceneratorit. Mashtrove publikisht se ka vendosur Këshilli për të financuar inceneratorin, në një kohë kur Këshilli nuk ishte mbledhur kurrë.
E kujt është ndërmarrja o hajdut që merr përsipër dhe paguan edhe paratë e Rakip Sulit?
Heq fondin e arsimit dhe paguan 6 milionë euro për Bashkinë e Kamzës?
Është e jotja, ndryshe nuk do e bëje kurrë një akt të tillë.
Po për ty nuk ka ligj, ti i ke futur në thes me Zaman, me Krajë e të gjithë me radhë.
Po 8 pikët që i dhe kompanisë tënde me Edi Ramën, pa u themeluar akoma?
Në fund të fundit, ti je pronari i inceneratorit që gllabëroi 135 milionë euro gjer sot dhe nuk ekziston gjurmë, nam apo nishan se i vodhe ti me Edi Ramën.
Erion Veliaj, në dhjetëra e dhjetëra tendera vodhe 100 përqind shumën e prokurimeve me kompaninë tënde 5D. Paratë e vjedhura i shndërrove në hotele luksoze me 5 yje, në Durrës, Himarë, Dhërmi.
Në pallate 10-katëshe në Tiranë.
I fshehe në kontot bankare.
Po paratë e pyllit vertikal me 1 milion pemë, ku i ke?

Të fundit