Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

"Mos krahasoni të pakrahasueshmen", Berisha: Rama të mos fshihet, më 24 ta presë popullin në zyrë

Politiko 22 Janar 2026, 15:56

"Mos krahasoni të pakrahasueshmen", Berisha: Rama të mos

Kryedemokrati Sali Berisha ka reaguar ashpër ndaj krahasimeve mes tij dhe kryeministrit Edi Rama, duke i cilësuar ato si “të pakrahasueshme” dhe si një mbështetje të padrejtë për kreun e qeverisë.

“Nuk ka gjë më të pakrahasueshme dhe në një mënyrë apo tjetër mbështetje të padëshiruar ndaj Edi Ramës, sesa ta krahasosh atë me Sali Berishën”, u shpreh Berisha.

Ai ironizoi pozicionin aktual të kryeministrit, duke thënë se Rama “po bën avokatin e Lubisë në gjykatë”, ndërsa përmendi edhe dosjen e AKSHI-t, për të cilën pretendoi se, me urdhër nga Surreli, po merren peng biznesmenë që guxojnë të marrin pjesë në gara.

Berisha solli si shembull edhe deklaratat e Ramës për marrëdhëniet me Serbinë dhe Kosovën, duke theksuar se kryeministri shqiptar shprehet se “merret vesh shumë mirë me Vuçiçin, por jo me kryeministrin e Kosovës”, çka sipas tij është e papranueshme.

Sipas Berishës, krahasime të tilla vetëm sa e ndihmojnë Ramën politikisht, ndërsa shtoi se edhe vetë mbështetësit e tij ndihen të rënduar nga skandalet që, sipas tij, e shoqërojnë qeverinë.

Duke iu referuar çështjes së ishullit të Sazanit, Berisha deklaroi se veprimet e tij kanë qenë në vazhdën e politikave të nisura më herët dhe se projektet e dështuar janë ndalur për shkak të krizës financiare të viteve 2008–2009, e jo për influenca politike.

PJESE NGA DEKLARATA

Berisha: Mos krahasoni të pakrahasueshmen. Shkoni e thojini Ramës, qëndro në zyrë në datën 24 se po të vjen populli

I nderuar koleg, nuk ka gjë më të pakrahasueshme dhe në një mënyrë apo një tjetër, mbështetje të padëshiruar ndaj Edi Ramës, duke patur parasysh pozicionin tuaj, se të krahasosh Edi Ramën me Sali Berishën.
Merr vetëm faktin, ku e ke tani Edi Ramën, ku është në këtë moment? Po bën avokatin e Lubisë në gjykatë.
Merr faktin, merr vetëm dosjen e AKSHI-t, ku me urdhër të Surrelit merren peng biznesmenë që guxojnë të marrin pjesë në garë.
Mos krahaso të pakrahasueshëm.
Merr faktin që deklaron se, unë merrem vesh shumë mirë me Vuçiçin, por nuk merrem vesh dot me kryeministrin e Kosovës, për faktin e vetëm se ia nuk u bindet urdhërave të Vuçiçit.
Si mund të bësh një krahasim të tillë, si mund të bësh në një kohë që po krahasoje, i gjithë krahu i tyre po të shihte me ilaritet, me ngazëllim, sepse e kuptonin se kjo ndihmonte Ramaduron e tyre.
Se këta nuk është se nuk e ndjenjë barrën e tij, sepse kur shkojnë në shtëpi i presin dhe u thonë, çfarë bëtë ju për Lubi Ballukun, na e nxitë fytyrën.
Edhe këta kanë në dorë. Kanë dorë vetë, prandaj edhe e mbrojnë.
Ai shpjegimi që u dhash mediave, po unë nuk i mohoj veprimet e mia. Është e vërtetë paraardhësi im Fatos Nano e kishte ofruar ishullin e Sazanit dhe unë vazhdova po të njëjtën gjë.
Dhe në fakt Silvio bëri një projekt të jashtëzakonshëm, të shkëlqyer, mirëpo erdhi kriza financiare e viteve 2008-2009 e bllokoi dhe unë nuk mund të mos them që ajo nuk ka ndodhur.
Ka ndodhur, por ka ndodhur absolutisht jo për influenca politike, por ka ndodhur për të tërhequr biznesin ndërkombëtar.
Por kjo nuk ka lidhje sepse e lehtëson Edi Ramën, lëreni se po bën gjithçka të shpëtojë, por në mënyrë absolute data 24, ju që jeni këtu shkoni e thoni, po je burrë qëndro në zyrë.
I thoni rrini në zyrë dhe prite popullin që po vjen. Shkoni dhe ju me të.