Flash News

Kush është Papa i ri?

Papa Leo i XIV përshëndet për herë të parë besimtarët në sheshin e Shën Pjetrit

Tym i bardhë nga Vatikani: Është zgjedhur Papa i ri

"Liria funksionon", PD përshëndet qëndrimin e DASH: E drejta vonoi, por u kthye në vend

“Reuters”: Rama kërkon mandatin e katërt në zgjedhjet e dominuara nga korrupsioni dhe bandat kriminale

Ditari i Opozitës

Murrizi publikon dokumentin: Ja kush e solli Sorosin në Shqipëri

Politiko 20 Mars 2025, 11:50

Murrizi publikon dokumentin: Ja kush e solli Sorosin në Shqipëri

Kandidati për deputet dhe ish-nënkryetari i Kuvendit, Myslim Murrizi, ka publikuar një dokument zyrtar të Këshillit të Ministrave, i cili hedh dritë mbi mbështetjen shtetërore që Fondacioni “Soros” ka marrë në Shqipëri. Në një postim në Facebook, Murrizi kundërshton pretendimet e disa analistëve dhe politikanëve që kanë lidhur rolin e Partisë Demokratike në praninë e këtij fondacioni në vend.

Dokumenti që Murrizi ka publikuar është një vendim i Këshillit të Ministrave të datës 10 janar 1992, sipas të cilit qeveria e asaj kohe i garantonte Fondacionit “Soros” zyra pa qira dhe një apartament banimi me qira të paguar nga shteti.

Në postimin e tij, Murrizi shkruan:

Meqenëse shpeshherë nëpër studio ka pasur debilë politikë që kanë turfulluar se kush e ka sjellë apo kush e ka pritur këtë mostër në Shqipëri, po ju postoj vendimin e Këshillit të Ministrave, datë 10 janar 1992. Për kujtesë, PD ka ardhur në pushtet më 22 mars 1992.

Nga krahasimi i fakteve historike, rezulton se ky vendim është marrë gjatë qeverisjes së kryeministrit Vilson Ahmeti, i cili drejtonte ekzekutivin para zgjedhjeve të marsit 1992, kur Partia Demokratike fitoi shumicën dhe Aleksandër Meksi u bë kryeministër.

Kjo tregon se vendimi për të krijuar kushtet për Fondacionin “Soros” është marrë nga qeveria e fundit komuniste, e cila ende drejtonte vendin në fillim të atij viti. Këto fakte mbështesin pretendimin e Murrizit, që thekson se PD nuk kishte lidhje me këtë proces, pasi nuk kishte ardhur ende në pushtet.

Të fundit