Flash News

Aksident në Durrës, makinë përplas skuterin me dy 13-vjeçarë

Atentati në Lundër/ Gjendet motomjet i djegur që dyshohet se u përdor nga autorët

Ra nga lartësia në kantierin e aeroportit të Vlorës, humb jetën punëtori

SPAK lëshon 3 urdhër arreste për shefin e qarkullimit Rrugor në Tiranë dhe 2 zyrtarë të tjerë të policisë

Atentati ndaj 4 të rinjve në Lundër, plumbat prekën edhe një “Ford”

Ditari i Opozitës

Mustafaj: Rama përçmon Dibrën, votojmë për dinjitet dhe ndryshim

Politiko 19 Prill 2025, 12:46

Mustafaj: Rama përçmon Dibrën, votojmë për dinjitet

Drejtuesi i Departamentit “Brain Gain” në PD, Andi Mustafaj, mbajti një fjalim të fuqishëm emocional dhe politik gjatë takimit me qytetarët e Dibrës.

Ai reagoi ndaj deklaratave fyese të kryeministrit Rama gjatë vizitës së tij të fundit në Dibër dhe vuri theksin tek vlerat e palëkundura të familjes, dinjitetit dhe kontributit të grave shqiptare.

Mustafaj prezantoi gjithashtu katër shtyllat kryesore të programit të PD-së, duke i lidhur ato me trashëgiminë dhe frymën e nënës së një gruaje dibrane, simbol i qëndresës dhe i vlerave që ndërtojnë një shoqëri të drejtë dhe të fortë.

Mustafaj: Para disa ditësh, Edi Rama ishte në Dibër, ku – në vazhdën e gjuhës së tij përçmuese – ai hodhi sërish helm në mesin tuaj. Lotëve që rrjedhin në faqet e nënave për shkak të fëmijëve të larguar në emigracion – plagë kjo që nuk mbyllet – u shtohet dhimbja e ofendimit ndaj burrave me të cilët keni vendosur të ndani jetën tuaj. "Mbani kokën poshtë" duket se është motoja e Edi Ramës. Por gruaja dibrane nuk e mban kurrë kokën poshtë.

Mua, mamaja më ka rritur me modelin e një gruaje të pathyeshme në shpirt dhe me zjarr të pashtershëm në zemër. Çfarë ka ndodhur vallë, që disa dibranë t’u dorëzohen sulmeve të Ramës? Mënyra se si një shtet trajton njerëzit në nevojë tregon gjithçka për modelin e shoqërisë që ai promovon. Kjo është edhe shtylla e parë e programit të PD-së: Paketa e Dhembshurisë.

E palodhur në jetën profesionale, mamaja më ka trashëguar dashurinë për punën si mënyrën e vetme për të ecur përpara në jetë. Kjo është shtylla e dytë e PD-së: prodhimi, vepra dhe jo fjalët.

Ajo më ka trashëguar dashurinë për familjen – vlerën e të gjitha vlerave, gur themeli i shoqërisë sonë. Kjo është shtylla e tretë: lufta kundër shpopullimit dhe mbështetja e familjes.

Ajo më ka trashëguar gjithashtu pasionin për disiplinën, për pastërtinë – sepse vendosja e rregullit brenda vetes është kusht i pazëvendësueshëm për çdo njeri të fortë. Kjo është shtylla e katërt: shprehur pa rreshtur dhe me forcë – ne do të pastrojmë shtëpinë tonë dhe nuk do të ndalemi derisa të jetë pastruar plotësisht.

Mamaja ime është bijë e Dibrës – grua demokrate, zonjë shqiptare – dhe zonja shqiptare është qenia më madhështore, është zemra e ëndrrës sonë: e Shqipërisë Madhështore.

Demokratë dhe demokrate, dëgjoni thirrjen tonë për të gjitha gratë e Dibrës, për të gjitha nënat që nuk ulin kokën para së keqes. Bijtë dhe nipërit e Dibrës kanë vendosur të kthehen në Dibër, sepse kjo tokë është e jona dhe për të, ne do të bëjmë gjithçka.

Shqipëria Madhështore nuk është thjesht një program. Ajo është një zotim që na lidh të gjithëve.