Mziu flet pasi u zgjodh drejtues politik në Dibër: Do marr një fitore spektakolare

Xhelal Mziu

Xhelal Mziu ka folur për herë të parë pas caktimit si drejtues politik në qarkun e Dibrës. Në një prononcim për gazetarët nga selia blu, Mziu shprehu bindjen se do të marrë një fitore spektakolare në këto zgjedhje për t’i kthyer Dibrës, siç tha ai, rezultatin e 2009.

“Në Dibër ka pasur shumë probleme për shkak të vjedhjes së votave. Jam i gatshëm për tu përballuar me këtë sfidë dhe për mundur këtë të keqe.Jam i sigurt se do të marr një fitore spektakolare për të kthyer ato rezultat që ka pasur Dibra në 2009 dhe për ta hequr këtë të keqe jo vetëm në Dibër, por në gjithë Shqipërinë.  Në fakt Qarku i Dibrës duhet të kishte 6 dhe më shumë sepse ka pabarazi në këtë drejtim”, tha Mziu.

I pyetur për rivalen e tij socialiste në Dibër, Olta Xhaçkën, ai tha se duhet të mos heqë dorë, por të marrë humbjen.

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm