Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

"Nafta do u jepet pa asnjë taksë", Berisha: Subvencionet për bujqësinë do pesëfishohen që vitin e parë!

Politiko 15 Prill 2026, 19:05

"Nafta do u jepet pa asnjë taksë", Berisha: Subvencionet

Gjatë një takimi me fermerët në Berat, kreu i Partisë Demokratike, Sali Berisha, shpalosi një plan për ringjalljen e sektorit bujqësor, duke premtuar një pesëfishim të subvencioneve dhe naftë pa taksa për fermerët që në vitin e parë të qeverisjes.

"Subvencionet në bujqësi do të rriten 5 herë që në vitin e parë tonë, duke shkuar nga 50 milionë në 250 milionë euro," deklaroi ai.

Për të theksuar nevojën për këtë rritje, Berisha bëri një krahasim me Kosovën, duke thënë: "Shqipëria, me një buxhet 8 miliardë euro, u jep fermerëve 50 milionë, ndërsa Kosova, me një buxhet 4 miliardë, u jep atyre 200 milionë."

Berisha: Së dyti, vlerësuam me të drejtë se potenciale të jashtëzakonshme në Shqipëri janë ullinjtë, arrorët dhe ju i mbollët ata.
Ne financuam, por në dy drejtimet, Shqipëria sot është krejt tjetër.
Të thotë ky 12 vite, çfarë solli në bujqësinë shqiptare?
Tani nuk i përmend fare pemët, drutë frutorë. Jo, nuk i përmend më. Nuk ka më asnjë citim për to ose interes për to.
Por kur lë 52 milionë, bëhesh qesharak.
Si mundet 52 milionë?
Unë jam këtu për t’u zotuar para jush dhe gjithë fermerëve shqiptarë se subvencionet në bujqësi do rriten me 5 herë që vitin e parë tonin.
Pra nga 50 milionë, do të shkojnë në 250 milionë.
Dhe ky është vetëm fillimi.
Dhe kjo do jetë e menjëhershme.
Dhe çfarë po bëjmë ne me këtë? Ne po kalojmë Kosovën me 50 milionë.
Se harrova t’u them, Kosova buxhetin e ka 4 miliardë.
Shqipëria buxhetin këtë vit e ka 8 miliardë.
Shqipëria u jep fermerëve 50 milionë, Kosova u jep fermerëve 200 milionë.
Ja pra.
Ndaj dhe ne, me akt të parë do të pesëfishojmë grantet për fermerët.
Dhe në mënyrë absolute nafta përveçse ne, se jemi këtu tek nafta, çfarë ka bërë ky?
Ka vendosur taksën më të lartë në botë në litrin e naftës.
Në qoftë se kërkoni në aplikacionet në internet, Shqipëria është vendi i parë ose vendi me taksën më të lartë për litër nafte.
Ne do të barazojmë ngarkesën fiskale mbi litrin e naftës me Kosovën dhe Maqedoninë.
Çfarë ndodh sot miqtë e mi?
300 milionë euro shqiptarët e rretheve kufitare nga Shkodra gjer në Gjirokastër, i lënë në pompat e benzinës të vendeve fqinje.
Shkojnë mbushin serbatorët në Maqedoni, në Kosovë, në Mal të Zi.
Dhe ua leverdis me gjithë rrugën që bën ai, nga Elbasani shkon në Strugë, mbush makinën dhe kthehet.
Kjo është 300 milionë euro në vit.
Nuk pyet ai.
Po si mund të mbash ti taksën më të lartë?
E kishim 7 lekë taksën e qarkullimit. E bëri 28 lekë taksën e qarkullimit.
E rriti katër herë.
Dhe me këtë i vuri një gjobë jo vetëm atyre që kanë makina. Atyre po, sigurisht. Por absolutisht të gjithë fermerëve, të gjithë shqiptarëve.
Se nafta ndikon në çdo gjë.
Ndaj dhe ne u garantoj se do të zbresim ngarkesën fiskale mbi litrin e naftës në nivelin e Maqedonisë dhe Kosovës.
Dhe përveç kësaj, fermerëve do u jepet nafta pa asnjë taksë.
Do u hiqet çdo taksë.
Nuk ka. Po të dojë shteti, e bën në mënyrën më transparente.
Kosova përsëri për çdo lopë, e shpalli këto ditë, kanë vënë disa pagesa për bagëtitë. Kanë vendosur për lopën, për dhitë, për delet, për bletët.
Që të gjitha janë shumë të vonuara.
Shumë të vonuara!