Flash News

Kosova hap ambasadë në Malajzi

Në fillim i përqeshi si ‘qilima fluturues’ dhe më pas i përvetësoi/ 7 temat dhe premtimet që Edi Rama kopjoi nga Sali Berisha në këtë fushatë

Kthimi i Edi Ramës në fushatën (humbëse) e 2011

SHBA tërhiqet nga negociatat e paqes midis Ukrainës dhe Rusisë

Shprehja e zv/Presidentit Vance shpërndarë nga Ambasada Amerikane: Ku e tha, në ç’kontekst, dhe si lidhet me Shqipërinë

Ditari i Opozitës

Nallbati sfidon kundërshtarët e PS për debat publik në qendër të Devollit

Politiko 2 Maj 2025, 16:53

Nallbati sfidon kundërshtarët e PS për debat publik në

Ndryshe nga tradita e ftesave për debate në studio televizive, kandidati për deputet i Partisë Demokratike në Qarkun e Korçës, Bledjon Nallbati, ka propozuar një mënyrë të re për ballafaqim elektoral: një debat publik në sheshin qendror të qytetit të Devollit.

Përmes një letre të hapur drejtuar kandidatëve të Partisë Socialiste në këtë bashki, Genti Lakollarit dhe Gëzim Gorës, Nallbati kërkon që përfaqësuesit e forcave politike të dalin përballë qytetarëve për të diskutuar programet dhe për të bërë transparencë për qeverisjen e kaluar.

“Fushata elektorale është një moment llogaridhënieje, bilanci dhe transparence. Qytetarët e Devollit meritojnë të njohin kandidatët dhe programet që ata përfaqësojnë”, thuhet në ftesën e Nallbatit.

Ai shton se bashkë me kolegen Jorida Mazelliu, përfaqësuese e Aleancës për Shqipërinë Madhështore, është i gatshëm të marrë pjesë në çdo moment që kundërshtarët do të zgjedhin për debatin publik.

“Në pritje të përgjigjes suaj, qytetarët do ta dinë se kush ka guxim të dalë ballëhapur përpara tyre dhe të prezantojë programin elektoral të partisë që përfaqëson,” mbyllet ftesa e kandidatit demokrat.

Të fundit