Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Nard Ndoka: Basha nuk e respektoi marrëveshjen, numri 8 është interesant se e ka zgjedhur dhe Rama

Politiko 10 Mars 2021, 16:56

Nard Ndoka: Basha nuk e respektoi marrëveshjen, numri 8 është

Pasi kryedemokrati Lulzim Basha e renditi të 8-in në Qarkun e Shkodrës, kreu i PDK-së, Nard Ndoka është shprehur se PD nuk e respektoi marrëveshjen e nënshkruar me aleatët për t'i futur në lista të sigurta për zgjedhjet e 25 prillit, megjithatë, ai thekson se në këtë moment synimi është largimi i Edi Ramës.

“Negociatat ishin intensive, por ne u fokusuam më shumë në të gjithë qarqet e vendit për të ofruar kandidatë si vlerë për opozitën. Nuk është momenti se interesi publik është për largimin e Ramës. Megjithatë, pati një marrëveshje politike me Partinë Demokratike, të cilën në mënyrë të njëanshme nuk e respektoi. Por, Basha ka tagrin e tij që ne ia dhamë edhe në marrëveshjen e firmosur që të shkojë në maksimizimin e votave. Qarku i Shkodrës ka specifikat e veta dhe na intereson që të maksimizojmë votat, shpresojmë që të jetë edhe qarku surprizë. Unë do të japë kontributin tim edhe në këtë qark”, tha Ndoka për A2.

Edhe pse në listën e Shkodrës renditet në një zonë jo të sigurt për marrjen e mandatit, Ndoka, shprehet se nuk i trembet garës edhe pse ka përballë Topallin si dhe kampin socialist.

"Nuk i trembem përballjeve. Unë kam fituar 4 herë në mazhoritar. Kur zonja Topalli dilte në balotazh unë fitoja 69% në qarkun e Shkodrës. Unë kam fituar edhe si kandidat i pavarur kundër PS-së e PD-së. Pra, jam një politikan që më pëlqen përballja, më pëlqen gara, edhe sfida kaq të vështira, por sfida më e madhe është largimi i Edi Ramës. Kjo ishte edhe arsyeja, pavarësisht që pati një lloj pakënaqësie. Pozicioni ishte i papërcaktuar, megjithatë kjo tashmë është e kaluar. Të shohim për të ardhmen.

Numri 8 është interesant, pasi edhe kryeministri ka zgjedhur dy numra 8. Unë me një numër dhe do të konkurroj”, u shpreh Nard Ndoka.

Të fundit