Ndërkombëtarët përgënjeshtruan Bashën, Berisha: Tregues se në ç’shkallë është shpërfytyruar ky njeri

Kreu i PD, Sali Berisha ka komentuar reagimet e ndërkombëtarëve të cilët hodhën poshtë deklaratat e Lulzim Bashës në lidhje me Reformën Zgjedhore, pasi ai tha se përfaqësues të PD dhe PS kanë dakortësuar me ndërmjetësim të BE, SHBA, dhe MB.

Duke folur nga ballkoni i banesës së tij ku ndodhet në ‘arrest shtëpie’, Berisha tha se ajo deklaratë e tij tregonte se në ç’shkallë është shpërfytyruar Basha, i cili shitjen e tij te Edi Rama, kërkoi të ua paraqesë shqiptarëve si autorizim të ambasadorëve të vendeve kryesore në Tiranë.

“Sot ambasadorët e vendeve kryesore, përfshirë OSBE, reaguan me deklarata duke hedhur poshtë deklaratën e pengut të Edi Ramës, Lulzim Bravës.

Ajo deklaratë e tij tregonte se çfarë shpërfytyrimi, në ç’shkallë është shpërfytyruar ky njeri, i cili shitjen e tij te Edi Rama, aktet e tij të turpshme të diktuara nga pengmarrësi i tyre, kërkoi të ua paraqesë shqiptarëve si autorizim të ambasadorëve të vendeve kryesore në Tiranë.

E vërteta është se ai bëri vetëm mashtrimin e radhës. Nga ana tjetër të dashur miq, kjo parodi dëshmon edhe njëherë se me Edi Ramën zgjedhje nuk ka.

Se me Edi Ramën ne veç se do të firmosim grabitjen e radhës të votës tonë. Në këtë aspekt, beteja juaj, beteja e demokratëve është jetike, vendimtare për shpëtimin e Shqipërisë.

Edi Rama zhvilloi me 14 maj farsën elektorale më të shëmtuar.

Komuniteti ndërkombëtar publikoi një raport i cili ju garantoj ju, është fjalë për fjalë, mos më i keq, se sa raporti i zgjedhjeve të Vuçiçit në Serbi. Por Beogradi dha një mësim, u derdh në rrugë, nuk lëshoi rrugën dhe zbrapsi diktatorin e tij, dhe faktikisht në Beograd do të fillojë fitorja e opozitës.

Edi Rama bëri gjithçka të asgjësojë opozitën, dështoi në zgjedhje. Bëri gjithçka ta asgjësojë në parlament. Dështoi në parlament.

Bëri gjithçka me organizatën e tij kriminale, skapin e partisë të izolojë Sali Berishën, duke besuar se në këtë mënyrë i dha një goditje fatale opozitës.

Por gaboi rëndë, sepse opozita në Shqipëri qëndron mbi të gjitha, me idealet fisnike të lirisë së shqiptarëve", tha Berisha.