Flash News

Gjykata Speciale refuzon lirimin e Hashim Thaçit për të marrë pjesë në varrimin e babait

30 shtete bëhen bashkë për të dërguar trupa paqeruajtës në Ukrainë

Edi Rama e ka gojën plot me BE; por mos e hani

Aksident në afërsi të mbikalimit të Patokut, raportohet për 4 persona të lënduar

Kuvendi miraton Këshillin Drejtues të RTSH, Fatjon Hoxhalli zgjidhet kryetar

Ditari i Opozitës

“Në Berat opozita fiton 4 mandate”, Meta: Durrësi dhe Elbasani do bëjnë ndryshimin e madh

Politiko 17 Mars 2025, 18:01

“Në Berat opozita fiton 4 mandate”, Meta: Durrësi dhe

Në një intervistë për SYRI-n, presidenti i Partisë së Lirisë, Ilir Meta ka analizuar edhe qarqet, ku sipas tij opozita do të fitojë bindshëm.

Sipas Metës, qarku i Beratit do të jetë surprizë në këto zgjedhje ku opozita do të dalë fituese përballë PS-së. E sipas tij, kjo ndodh për disa faktor shumë të rëndësishëm që janë në terren.

 ‘Përveç Tiranës, mund të them me bindje të plotë se përmbysjen më të madhe nga ana cilësore e sasiore do e bëjë Berati, të cilin e njoh shumë mirë. Pra nga 5-2, ky qark do të shkojë 4-3 për opozitën.

Të mos harrojmë se zgjedhjet e fundit LSI ja vodhën mandatin për 75 vota, e kjo ishte marrëveshje e dy palëve. Po kështu, Lefter Maliqi, nga që ishte gënjyer nga Luli, bëri fushatë kundër opozitës.

Tani situata është krejt e kundërt. Po kështu edhe ekipet. Koalicioni i bërë i jep me lehtësi maksimale 3 deputetë në çdo rast opozitës, por përballja e dy ekipeve, e ndryshon balancing në 4 me 3 për opozitën. Për këtë duhet vetëm 1 votë më shumë.

Lista e opozitës me shumë personalitete, ndërsa lista e PS më pak përfaqësuesja e mundshme. Skrapari jo vetëm është krejt i papërfaqësuar edhe formalisht, por edhe rruga Skrapar-Përmet ka mbetur atje ku e kam lënë unë në 2017.  Ndaj Skrapari do votojë Lefter Maliqin dhe bashkë me Lefterin do e lidhim brenda një viti Skraparin me Përmetin’, theksoi Meta.

Por presidenti i PL-së, e shikon situatën në favor të opozitës edhe në dy qarqe të mëdha, si Durrësi dhe Elbasani.

‘Jam i bindur se Durrësi dhe Elbasani do bëjnë një ndryshim të madh, ndërsa Lezha do shënojë një diferencë të thellë 5-2 për opozitën.

Ndërkohë që Qarku i Korçës do jetë një surprizë tjetër ku Partia e Lirisë padyshim ka përfaqësimin më dinjitoz që ka pasur ndonjëherë me Dr. Gentian Çala, një personalitet i shkëlqyer jo vetëm i mjekësisë’, nënvizoi presidenti i PL-së, Meta.

Të fundit