Flash News

Incident në Pogradec/ Pas konfliktit në QV, komisionerit i rrahin gruan dhe djalin në shtëpi

Aksident tragjik në Peshkopi, humb jetën në Spitalin e Traumës efektivi i policisë Veli Gjura

KQZ: Pjesëmarrja në votime deri në orën 12:00, më e ulët se në 2021

Nusja voton përpara se të shkojë në dasmë në Elbasan: Demokracia para ceremonisë

E paprecedentë! 101 vjeçarja në Fier nuk lejohet të votojë

Ditari i Opozitës

Në prezantim edhe Meta, Boçi: Më 14 maj nis ndryshimi në Elbasan dhe gjithë Shqipërinë

Politiko 20 Mars 2023, 17:14

Në prezantim edhe Meta, Boçi: Më 14 maj nis ndryshimi në

Kandidati i opozitës për Bashkinë e Elbasanit, Luçiano Boçi ka marrë pjesë këtë të hënë në një takim me të rinjtë e qytetit së bashku me kreun e Partisë së Lirisë, Ilir Metën. Boçi thotë pika e bashkimit të koalicionit mes PD-së dhe PL-së është rinia.

“Sado diferenca të kemi, ne na bashkon një gjë shumë e madhe. Është rinia. Kur u vendos rikrijimi të LSI-së në PL, duke pasur parasysh avantazhet e rivalit, unë kisha frikë se Iliri do e zgjidhte Partia e Rinisë. Në fakt, dhe PL ka sensin e saj, ka brenda një dimension shumë të madh. Vetë PD-ja nga ana e saj, barazohet me rininë. U krijua si lëvizje studentore. Baza e saj kanë qenë ëndrrat e rinisë. Është kjo rini që na ka bashkuar në këtë betejë politike”, është shprehur Boçi.

Deputeti demokrat ka deklaruar se sot në vend janë rrëzuar shpresa, siguria dhe e ardhmja, ndërsa shtoi se rinia e ka në gjak ndryshimin dhe të vërtetën.

“Të jeni të bindur, që ky koalicion funksionon perfekt sepse brenda tij është dëshira e rinisë, misioni i rinisë për t’ia rikthyer Elbasanin qytetarëve dhe rinisë së saj. Për të rikthyer jetën e gëzuar dhe të hareshme. Jemi një bashki që eksporton të rinj drejt Tiranës dhe larg Shqipërisë. Situatën duhet ta ndryshojmë. Nuk vjen vetë fati. Është fati që ne e kapim prej fyti dhe prej gryke. Ne e duam Rininë. Ju e doni Elbasanin dhe Shqipërinë. Ne do ja dalim mbanë, do fitojmë në Elbasan dhe në gjithë Shqipërinë”, ka thënë Boçi gjatë fjalës përballë të rinjëve.

Ai shtoi se Elbasani është bashkia e parë në vend të cilës i largohen më shumë të rinj të arsimuar, ndërsa vijoi duke thënë se sipas raportit për vendet e lumtura Shqipëria ka humbur disa pozita.

“Sot kishte dalë raporti për vendet e lumtura dhe Shqipëria ishte ulur, nuk ka gëzim jete në vend. Jeta përfundon pa një aktivitet intelektual apo sportiv, por vetëm në klubet vanitoze që përsërisin këtë stil jetese që duhet ta ndryshojmë”, u shpreh Boçi ndër të tjera.

Kujtojme se kryetari i Partisë së Lirisë Ilir Meta ka qenë sot prezent në prezantimin e kandidatit për bashkinë e Elbasanit në zgjedhjet lokale ë 14 majit, Luçiano Boçi.

Të fundit