Negociatat me BE, Teliti: Fatkeqësisht, sot hallet e njerëzve janë në kulmin e tyre më të trishtë

Koordinatori për Programin Ekonomik në PD, Dorjan Teliti ka reaguar pasi Shqipëria hapi sot kapitullit të parë të negociatave të integrimit me BE.

Në rrjetet sociale ai ngre shumë dyshime se pas 11 vitesh të humbura për tu integruar në BE, negociatorët e integrimit nuk mund të jenë kurrsesi përgjegjësit e gjendjes alarmante, të krizës, të braktisjes së shqiptarëve.

Statusi i plotë:

Pas 11 vitesh të humbura nē rrugëtimin tonë për tu integruar në BE, fatkeqësisht sot hallet dhe problemet e njerëzve janë në kulmin e tyre më të trishtë. 

Kush do negociojë për të zhdukur varfërinë e mbi 700mijë pensionistëve? Ata që mashtruan pensionistët me gjoja indeksimet?

Kush do negociojë për 47% të fëmijëve shqiptare që sot sipas Unicef janë të kequshqyer? Ata që i përcmuan e i braktisën këto vite familjet nevojtare apo ata që lejuan rritjen e cmendur të cmimeve të ushqimeve bazë?

Kush do negociojë për qindra e mijëra sipërmarrjet që kanë falimentuar në këto vite dhe humbjen e vendeve të punës? Ata që rritën taksat dhe dërguan taksidarët e uritur në dyert e bizneseve?

Kush do negociojë për ilacet jetike që mungojnë në spitalet shqiptare? Ata që abuzuan qindra milionë euro në PPP-të klienteliste e korruptive të shëndetësisë?

Kush do negociojë për arsimin dhe klasat me dy turne? Ata që groposën arsimin andej nga fundi në renditjen ndërkombëtare?

Kush do negociojë për fermerin e braktisur që hedh produktet në kanal? Ata që nuk dhanë subvencionet e duhura ashtu sic bëjnë vendet e tjera të rajonit?

Kush do negociojë për drejtësinë që drejtësi nuk bën ndaj pushtetarëve të korruptuar, por padrejtësisht arreston Liderin e Opozitës dhe eksponentët e saj? Ata që drejtësinë e konsiderojnë si sektor të qeverisjes, apo ata që nuk pyesin për vendimet e Gjykatës Kushtetuese?

Kush do negociojë për 1 milionë shqiptaret që morrën arratinë rrugëve të Europës këto vite? Ata që shuan qëllimisht cdo shpresë për një jetesë normale këtu në Shqipëri?

Një gjë është e sigurt, negociatorët për integrimin në BE nuk mund të jenë shkaktarët e kësaj gjendjeje alarmante. 

Ndaj duhet ndryshimi, ndaj duhet vota e lirë, ndaj duhet qeveria teknike. 

Të gjithë në këmbë të kthejmë Shqipërinë në rrugën e duhur.