Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Nëse parlamenti nuk heq të hënën imunitetin e Belinda Ballukut, ja çfarë do të bëjë opozita

Politiko 20 Shkurt 2026, 14:01

Nëse parlamenti nuk heq të hënën imunitetin e Belinda

Kreu i Partisë Demokratike, Sali Berisha, gjatë një deklarate për mediat, u shpreh se “kryengritja paqësore” e opozitës nuk është kundër një ministri të veçantë, por kundër kryeministrit.

I pyetur nga gazetaret se çfarë do të bëjë opozita nëse parlamenti nuk heq imunitetin e Belinda Balluku, Berisha deklaroi:“Kryengritja paqësore nuk është për Belinda Ballukun, është për Edi Ramën. Populli është ngritur kundër Edi Ramës. Lubia është thjesht një sekretare e tij që ka zbatuar urdhrat. ‘Rama ik’ është kryemotivi i kryengritjes sonë paqësore.”

Sipas tij, Balluku përdoret si “mburojë” nga kryeministri, ndërsa shtoi se zhvillimet e fundit në lidhje me Korridorin e VIII-të tregojnë, sipas tij, izolimin e saj.

Berisha pretendoi se në një konferencë për Korridorin e VIII-të, e cila sipas tij u zhvillua së fundmi, ishte parashikuar që Balluku të ishte mikpritëse, por “u refuzua në unison nga partnerët dhe vendet e tjera” dhe u zëvendësua nga Elisa Spiropali.

Ai ngriti pikëpyetje edhe mbi përbërjen e delegacionit shqiptar, duke përmendur se, sipas tij, delegacioni përbëhej nga Edi Rama dhe Ervin Demo.

PJESE NGA DEKLARATA

Marsi Korreshi: Z. Berisha, edhe një pyetje të fundit, nëse parlamenti nuk heq të hënën imunitetin e Belinda Ballukut, ka opozita një plan rezistence dhe kundërvënie?

Sali Berisha: Kryengritja paqësore nuk është për Belinda Ballukun, është për Edi Ramën. Duhet të jemi të sinqertë.
Populli është ngritur kundër Edi Ramës, Lubia është thjesht një sekretare e tij që ka zbatuar urdhrat.
Rama ik, ky është kryemotivi i kryengritjes tonë paqësore.
Ky është!
Ndaj dhe që në fillim ne e kemi bërë këtë përcaktim, besoj se është kështu apo jo.
Ajo përdoret si mburojë nga Rama sepse e di se fill mbrapa është në radhë.
Ju e dini këtë besoj.
E dini se çfarë ndodhi me Korridorin e VIII-të? E morët vesh?
U përmbys çdo projekt, çdo plan brenda 24 orësh.
Ishte parashikuar mikpritëse Lubia, u refuzua në unison nga partnerët dhe vendet e tjera dhe e mori Spiropali.
E patë ju Lubinë, a ishte në atë takim?
Për Korridorin e VIII-të, për transportin, a i keni parasysh vizitat e saj sa herë ka shkuar ajo në aksin Elbasan-Librazhd, e veshur me kostumin e ndërtueses?
A ishte gjë aty? Ku ishte?
Prandaj komshia më çon mesazh mua.
Ku ishte?
Ja pra, mediat, a nuk janë këto që duhet t’ua thonë shqiptarëve? Apo duhet t’i marrin vesh nga komshinjtë.
Do ketë novitete.
Edi Rama, edhe atje ku ishte, mendoni ju se nuk kishte mesazhe, nuk mori mesazhe?
Absolutisht. Sigurisht, seanca kryesore ishte për ato probleme, por në korridore ka marrë të gjithë mesazhet ai.
Me dëshmitar Ervin Demon. Tani kuptojeni ju vetë. Ervin Demo dëshmitari. Asnjë tjetër.
Delegacioni përbëhej nga Edi Rama dhe Ervin Demo. Pse-në, hetojeni.