Nga burgu për një parkim, te liria për vrasësit serialë, Berisha për kodin e ri penal: Drejtësi me dy standarde

Kryedemokrati Sali Berisha ka shpërthyer në kritika ndaj projekt-kodit të ri penal, duke e cilësuar atë si një dokument të diktuar nga kryeministri Edi Rama dhe i ndërtuar për të mbrojtur mafien shtetërore, ndërkohë që ndëshkon rëndë qytetarët e thjeshtë.

Sipas Berishës, në projektin e ri penal parashikohen masa absurde dhe të padrejta.

i thekson se një qytetar mund të përfundojë në burg për një parkim të gabuar apo për kundërshtim ndaj një efektivi policie që, sipas tij, mund të jetë edhe nën efektin e alkoolit apo drogës.

Berisha shprehet i indinjuar për faktin që, ndërsa qytetarëve u rezervohen dënime të ashpra për shkelje të vogla, Kodi i ri hap rrugën për lirimin e të dënuarve me burgim të përjetshëm, përfshirë ata që kanë kryer vrasje seriale.

DEKLARATA

Pa asnjë debat paraprak të gjerë, paraqesin këtu arkitekturën e plotë të kodit penal të diktaturës komuniste në raport me lirinë e fjalën dhe dënimin, trajtimin e qytetarëve.

Sot me këtë kod, qytetari shqiptar dënohet me burg për një parkim të gabuar.

Me këtë kod, qytetari shqiptar burgoset për një kundërshtim që i bën një polici pijanec apo të droguar.

Sot qytetari shqiptar dënohet me dhjetëra vite në qoftë se i ka marrë ndërmarrjes 1 milion lekë. Ndërkohë që zyrtari i lartë duhet të vjedhë qindra milionë që të marrë dënimin që meriton.

Ky është kodi i përçudnive të mëdha.

Por nuk janë vetëm këto.

Pra, është kodi që vrasësit serialë i nxjerr nga dënimi i përjetshëm dhe u jep një shans të dytë, në një kohë kur në të gjitha ligjet, dhe sot në ligjet e vendeve demokratike të botës, ata marrin dënimin me vdekje.

Dhe në qoftë se pyeten qytetarët sot, janë të gatshëm të votojnë për rivendosjen e dënimit me vdekje.

Por meqenëse ka ndodhur që këta janë enturazhi i Edi Ramës, dhe qeveritarëve të tjerë, atëherë duhet të bëjmë ligjin që këtyre t’u japim një shans të dytë.

Shans të dytë atij që ka vrarë në gjumë tjetrin.

Dhe ajo që është vrarë në gjumë, apo ai që është vrarë në gjumë, është i 10-ti apo i 12-ti që kanë vrarë.

Për këta, Ulsiu dhe Edi Rama na dalin si të civilizuar para qytetarëve që po bëjmë një kod.

Kodi është kryekëput infrastrukturë ligjore e narkoshtetit të instaluar.