Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

"Nga farsën elektorale te vjedhjet e Ramës", Berisha zbulon dy pikat themelore të protestës së 8 majit

Politiko 27 Prill 2026, 18:39

"Nga farsën elektorale te vjedhjet e Ramës", Berisha zbulon

Kreu i PD, Sali Berisha ka zbuluar detaje lidhur me protestën e ardhshme kombëtare të opozitës në 8 maj.

Duke folur nga mbledhja me kryetarët e degëve të PD, Berisha tha se protesta e 8 majit ka të bëjë me dy çështje themelore, farsën elektorale dhe mbrojtjen e vjedhjeve nga Edi Rama

Berisha: Së pari, një përshëndetje shumë të përzemërt dhe një urim nga zemra për të gjithë ata që janë zgjedhur apo rizgjedhur në procesin zgjedhor, të bazuar në votën, vullnetin e anëtarëve të PD, proces pra që bazohet në vlerat më themelore të vendimmarrjes demokratike, në dallim nga partia e krimit, në dallim nga organizata kriminale që udhëhiqet nga vrasës, nga trafikantë, nga plaçkitës, nga antishqiptarë të vërtetë, e cila nga viti 2009 deri sot, nuk e di se ç’do të thotë më votë.
E tëra e shndërruar në funksion të një njeriu, të cilit për të mos prishur gojën, por i shkon çdo epitet i merituar.
Të një njeriu, që ka shndërruar atë parti në një leckë të veten.
Të një njeriu, që ka shndërruar atë parti, ajo parti ka lindur në krim, është ushqyer me krim dhe sot është kriminele jo vetëm në gen, por edhe në veprimtarinë e saj ndaj qytetarëve shqiptarë.
Në veprimtarëinë e saj ndaj Shqipërisë.
Por kemi thirrur këtë mbledhje me ju për një çështje jashtëzakonisht të rëndësishme.
Dhe kjo çështje është protesta e datës 8 maj.
Protesta e datës 8 maj ka të bëjë me dy çështje themelore të narkoregjimit të sotëm.
Ka të bëjë gjithnjë me farsën e tij elektorale dhe ka të bëjë gjithnjë me vjedhjen dhe mbrojtjen e vjedhjeve nga ana e tij
Të nderuar drejtues politikë të qarqeve, kryetarë të degëve.
Për secilin prej jush, për çdo drejtues të PD, çdo anëtare dhe anëtar të saj, duhet të jetë e qartë si drita e diellit se me vendimet qëmori për Lubi Ballukun me përdorimin e 81 mandateve në mburojë të saj, Edi Rama është bërë më i rrezikshëm se kurrë për këtë vend.
Me vendimin që Edi Rama mori për të mbrojtur veten e tij në dosjen Balluku, dhe Ballukun, doli para shqiptarëve dhe botës si njeriu që tashmë ka në duart e tij çdo pushtet.
Si njeriu i pushtetit absolut në Shqipëri.
Doli si njeriu që është i vendosur për të mbrojtur lëkurën e tij të marrë çdo vendim kundër qytetarëve shqiptarë.
Të marrë çdo vendim kundër Shqipërisë.
Kundër gjithçkaje tjetër sepse në ligjin e diktatorëve, lidhjet e tyre të krimit janë lidhjet e tyre më të fuqishme, për të cilat ata janë të gatshëm të japin gjithçka dhe të bëjnë gjithçka për të shpëtuar lëkurën e tyre.