Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Nga shqyrtim i problematikave tek mosnjohja e zgjedhjeve të 14 majit, Rezulota e Këshillit Kombëtar të PD-së

Politiko 4 Gusht 2023, 20:40

Nga shqyrtim i problematikave tek mosnjohja e zgjedhjeve të 14 majit,

Këshilli Kombëtar i Partisë Demokratike të Shqipërisë gjatë mbledhjes së sotme mori në shqyrtim problematikat që shoqëruan farsën e zgjedhjeve vendore të 14 majit 2023, situatën politike, sociale dhe ekonomike të vendit ku këto zgjedhje u mbajtën, si dhe gjetjet e Raportit Zgjedhor të përgatitur nga Komisioni i posatshëm i ngritur pranë Partisë Demokratike.

Gjatë shqyrtimit Këshilli Kombëtar konstatoi këto zgjedhje, për herë të parë në historinë 30 vjecare të pluralizmit shqiptar, shënuan kapjen e plotë të shtetit dhe të gjithë instrumentave të tij nga ana e partisë në pushtet.

Duke analizuar shkeljet Këshilli Kombëtar i Partisë Demokratike vendosi të mos njohë farsën zgjedhore të zgjedhjeve vendore te 14 majit.

Rezolutë paraprake e Këshilli Kombëtar i Partisë Demokratike

Këshilli Kombëtar i Partisë Demokratike konstaton se:
- këto zgjedhje shënojnë shkatërrimin e çdo standardi zgjedhor, me qëllim final zhbërjen e vullnetit të zgjedhësve dhe manipulimin e rezultatit në favor të partisë në pushtet. Këto zgjedhje shënojnë gjithashtu agresivitetin maksimal të partisë në pushtet për të goditur rëndë opozitën si dhe manipuluar/blerë apo shantazhuar ne forma te ndryshme çdo votues;
- në këto zgjedhje u dhunuan haptas parimet e Kushtetutës dhe Kodit Zgjedhor, të cilin Edi Rama e shpalli në krye të herës ‘kinezëri’ dhe e shpërfilli plotësisht. Farsa elektorale e 14 majt 2023 shpërfilli gjithashtu parimet themelore të Dokumentit të Kopenhagenit të OSBE-së dhe të Kodit të Praktikave të Mira në Çështjet Zgjedhore të Komisionit të Venecias për zgjedhjet e lira;
- këto zgjedhje u mbajtën në pabarazinë më të madhe ndërmjet partisë pushtet që kontrollonte gjithçka dhe opozitës të cilës iu mohuan të gjitha të drejtat ligjore;
- në këto zgjedhje u shfaq përsëri, në formë më të plotë dhe të perfeksionuar fenomeni tejet shqetësues për shoqërinë shqiptare, ai i partisë shtet dhe shtetit partiak, i kapilarizuar dhe i strukturuar plotësisht në çdo qelizë instutucionale, me mbështetjen dhe nxitjen publike të Edi Ramës, për të kthyer çdo zyrë shtetërore në zyrë elektorale, duke detyruar Administratën Publike-çdo nëpunës shtetëror të saj, në nivelin qëndror apo vendor, të punonte për fushatën dhe kandidatët e partisë në pushtet;
- këto zgjedhje, për herë të parë në historinë 30 vjecare të pluralizmit shqiptar, shënuan kapjen e plotë të shtetit dhe të gjithë instrumentave të tij nga ana e partisë në pushtet, si dhe përjashtimin e dhunshëm të opozitës nga çdo garanci ligjore apo instrument kontrolli që ligji i njeh asaj, me qëllim final mbajtjen e pushtetit me çdo kusht nga ana e partisë në pushtet;
- si asnjëherë tjetër në këto 30 vite, në këto zgjedhje, manipulimi dhe blerja e votës u bënë publikisht nga ana e Edi Ramës edhe me vendime qeverie, i cili në kundërshtim flagrant me legjislacionin në fuqi, shpalli rritje pagash dhe pensionesh si dhe përdori buxhetin e shtetit për të shpërndarë bonusin elektoral tek të gjithë pensionistët. Në total janë 867 mijë votues të cilët u paguan në shkelje të Kodit Zgjedhor. Institucionet dhe agjencitë e shteti shqiptar ofruan publikisht favore për dhjetra dhe qindra mijra votues me qëllim shtrëmbërimin e vullnetit të tyre zgjedhor;
- fenomeni shumë shqetësues i blerjes së votës, në këto zgjedhje ishte i gjithëpranishëm në çdo bashki të vendit. Përhapja kaq e gjerë e këtij fenomeni nuk mund të ndodhte veçse me bekimin politik të Edi Ramës dhe bashkëpunimin e policisë së shtetit dhe bandave të krimit të organizuar
- në fushatën më të pabarabartë ndonjëherë, kandidatët e Partisë Demokratike të zgjedhur nga anëtarësia përmes primareve u privuan nga sigla, logo e Partisë Demokratike, financat zgjedhore, emri i drejtuesit të Partisë Demokratike në fletën e votimit, koha televizive, komisionerët e numuruesit. Ankimimet e tyre apo të shtabeve të tyre zgjedhore nuk u morën thuajse asnjëtherë parasysh, përgjatë fushatës dhe pas saj në procesin e ankimimit zgjedhor;
- KQZ dhe Kolegji Zgjedhor, nën trysninë e Partisë Socialiste dhe të qeverisë, treguan në mënyrë të vazhduar njëanshmëri, dështuan të ushtronin kompetencat ligjore për të mbrojtur parimet e një procesi zgjedhor demokratik , mbyllën sytë para provave flagrante të shkeljes së ligjit nga shteti dhe partia në pushtet si dhe mbajtën standarte të dyfishta, në dëm të të drejtave të partive të opozittës dhe kandidatëve të saj.
- Policia e Shtetit u vu plotësisht në shërbim të kandidatëve të partisë në pushtet, duke survejuar kandidatët e opozitës dhe stafet e tyre, duke mosreaguar - në rastin më pak problematik për shqetësimet e ngritura nga kandidatët opozitarë, apo në rastin me flagrant- duke bashkëpunuar haptazi me bandat kriminale dhe krimin e organizuar, në dëm të kandidatëve opozitarë dhe në mbështetje të kandidatëve të partisë në pushtet;
- votuesit kanë qënë nën trysinë më të madhe ndonjëherë nga patronazhistët dhe aktivistët e partisë socialiste për të votuar kandidatët e saj. Këtij kërcënimi i priu vetë Edi Rama me deklaratat e tij të përsëritura se «po votuat për kandidatët e opozitës nuk do merrni asnjë fond nga qeveria». Votuesit u joshën me para, me tendera publikë, me leje ndërtimi banesash dhe me legalizime, me licenca, me kontrata apo favore të tjera të natyrës financiare apo jo. Kur joshja nuk funksiononte, ata u kërcënuan me ndihmën ekonomike, me heqje nga puna, apo edhe me kërcënime fizike. E gjitha kjo ndodhi nën “hundën” e Policisë së Shtetit, me bekimin personal të Edi Ramës dhe ministrave të tij. Këta të fundit ishin personazhe të dorës së parë në qarqet përkatëse, duke joshur, kërcënuar dhe shantazhuar zgjedhësit apo bizneset personalisht;
- në shkelje të ligjit, KQZ ndryshoi pa paralajmërim qendrat e votimit për 1,3 milionë zgjedhës si dhe u krijua kontigjenti prej 540 mijë votuesish shëtitës;

Këshilli Kombëtar i Partisë Demokratike të Shqipërisë,
Vendosi:
- Të mos njohë farsën zgjedhore të zgjedhjeve vendore te 14 majit si dhe rezultatin e manipuluar zgjedhor që kjo farsë prodhoi;
- T`i konsiderojë zgjedhjet vendore të 14 majit si procesin zgjedhor më të deformuar, më të manipuluar dhe më të dhunuar ndonjëherë;
- Të bëjë çdo përpjekje, brenda dhe jashtë vendit, për të denoncuar këtë farsë nëpërmjet ngritjes së shqetësimit të thellë për situatën shumë të vështirë që Shqipëria dhe shqiptarët po kalojnë si pasojë e kapjes së shtetit nga ana e partisë në pushtet dhe asgjësimit të të gjithë të drejtave ligjore dhe institucionale të Partisë Demokratike dhe Opozitës shqiptare;

Partia Demokratike e Shqipërisë:
- E konsideron Edi Ramën dhe qeveritarët e tij si një organizatë e strukturuar kriminale elektorale që ka kapur shtetin, financat e tij, që bashkëpunon me krimin për të mbajtur pushtetin, që vjedh pasuritë shtetërore dhe me këto para vjedh zgjedhjet e radhës;
- E konsideron rrëzimin e kësaj qeverie dhe largimin e Edi Ramës si interes madhor kombëtar dhe prioritetin absolut politik të saj,
- Partia Demokratike angazhohet të bëjë çdo përpjekje për të konsoliduar dhe zgjeruar Frontin Opozitar me të gjithë ata, të cilët pavarësisht pozicionit në spektrin politik, e konsiderojnë Edi Ramën dhe qeverinë e tij një rrezik kombëtar;
- Partia Demokratike fton të gjithë shqiptarët, të organizuar apo jo në formacione qytetare apo politike, t`i bashkohen frontit opozitar për të shpëtuar vendin nga totalitarizmi i narkoshtetit të parë dhe të vetëm në Europë të Edi Rames si dhe shqiptarët nga një qeverisje që ka si projekt të saj pasurimin e një pakice dhe largimin e shqiptarëve nga vendi;
- Partia Demokratike njeh përgjegjësinë e saj absolute dhe detyrimin madhor të saj, si forca më e madhe opozitare, të bëjë të gjitha përpjekjet për të ofruar besim dhe për të ndezur shpresën e alternativës që ajo përfaqëson, që shqiptarët të mund të jetojnë në një vend normal, me mundësi për të gjithë, ku ligji dhe të drejtat themelore respektohen dhe ku qytetarët vendosin të lirë, nëpërmjet zgjedhjeve të lira, për ata që duan t`i qeverisin.