Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Nga transporti te prona e qytetarit dhe termoizolimi, Këlliçi tregon planet për Tiranën: Në fokus, kostoja e jetesës

Politiko 9 Maj 2023, 09:49

Nga transporti te prona e qytetarit dhe termoizolimi, Këlliçi tregon

Kandidati i koalicionit “Bashkë Fitojmë” për Bashkinë e Tiranës, Belind Këlliçi ka folur për programin e tij të 14 majit, si edhe takimet që ka zhvilluar në terren me qytetarët e Tiranës.

Këlliçi tha në Neës 24, se shënjestër kryesore e programit të tij është ulja e kostos së jetesës, përfshirë këtu autobusin falas që do t’i kursejë një familje 52 mijë lekë në muaj.

“Ka qenë një fushatë intensive, ku unë kam pasur mundësinë t’iu flas qytetarëve të Tiranës kudo.
Kam zhvilluar një tur dëgjimi me të gjithë banorët. Duke qenë se jam deputet i zonës, pak a shumë i di problematikat që ka fshati dhe qyteti, por nga ana tjetër realiteti është tjetër kur e prek vetë në terren. Kam parë situata që më kanë ngarkuar shpirtërisht dhe emocionalisht, por më ka ndihmuar dhe për programin.

Shënjestër kryesore të programit tim kam pasur uljen e kostos së jetesës për qytetarët. Kemi hartuar një program që ka zgjidhjet për problemet e qytetarëve, siç është transporti. Unë kam thënë autobusin falas, për të cilin lekët do gjenden nga paratë që shkojnë për inceneratorin e Tiranës. Ndihmojmë 200 mijë qytetarë në ditë dhe kushton vetëm 6.8% të buxhetit, kjo masë i lehtëson me 52 mijë lekë në muaj”, deklaroi Këlliçi.

Këlliçi tha se me nismën e urbanëve falas, personeli që punon nuk do të preket.

“Ne do të modernizojmë stacionet, do t’i shtojmë stacionet dhe do t’i çojmë pranë zonave të banuara. Është një masë që buxhetit të bashkisë i kushton vetëm 6.8%. Një bashki që harxhon 60 % të buxhetit të bashkisë për paga, luks, koncerte, ne harxhojmë vetëm 6.8% për transportin”, tha Këlliçi.

Kandidati i opozitës foli dhe për termoizolimin e pallateve me sistem kapotë. Ai tha se do të vendosen ashensorë në pallatet që nuk i kanë.

“Ka një problem në Tiranë nuk rrezikohen vetëm banorët e pallateve të reja, por banorët autoktonë. Prona është e shenjtë, prona nuk do i preket asnjë qytetari. Për çfarë ka në dorë bashkia e Tiranës, unë i garantoj qytetarët që prona nuk do iu preket. Shkolla me dy turne duhet të marrë fund në Tiranë. Do duhet të ndërtojmë shkolla të reja. Nuk ka kopshte e çerdhe dhe prindërit detyrohen t’i çojnë në institucione private, është një barrë për çdo familje. Në programin tim janë shkolla, kopshte e çerdhe”, shtoi Këlliçi.