Flash News

4 të rinj humbin jetën në një aksident në Itali, mes tyre një 19-vjeçar shqiptar

Nesër nis faza e dytë e regjistrimit për klasat e para dhe të dhjeta, afati

Plagosja në Kuçovë, Bejo u qëllua nga fqinji pas një sherri, shpallet në kërkim autori

Posta e mëngjesit/ Me 2 rreshta: Çfarë pati rëndësi dje në Shqipëri

Të shtëna me armë zjarri në Kuçovë, 45-vjeçari gjendet i plagosur në rrugë

Ditari i Opozitës

Ngjarja në Himarë/ Berisha vizitë në familjen Avdia: Krimi u krye nga njeriu i qeverisë, të shkarkohet Çuçi!

Politiko 4 Gusht 2022, 11:43

Ngjarja në Himarë/ Berisha vizitë në familjen Avdia: Krimi u

Kryedemokrati Sali Berisha vizitoi paraditen e sotme familjen Avdia, e cila humbi fëmijën në tragjedinë e Himarës, ku një skaf, i drejtuar nga një polic, goditi për vdekje 7-vjeçaren.

Berisha e ka konsideruar policin që drejtonte skafin një xhelat, ndërsa ngjarjen shumë të rëndë. Sipas tij, krimi nuk është vetëm përgjegjësi individuale, por edhe shtetëore. Ai kërkoi shkarkimin e ministrit të Brendshëm, Bledi Çuçit.

“Shpreh ngushëllimet më të ndjera, të miat të PD, erdha si qytetar për familjen e Jonadës, e cila humbi jetën në një krim horror dhe ka tronditur thellë çdo shqiptar e çdo njeri. Si ngjarje si krim i shëmtuar duhet të ishe vetëm një individ si ai që e kreu, se kurrë nuk mund të ndodhte një akt i tillë.

Një akt i tillë është jashtë përfytyrimit për një qytetar të thjeshtë. Në fakt ky akt u krye nga një njeri i qeverisë. Ky akt u krye me një mjet monstruoz krimi, sic ishte skafi me 600 kuaj fuqi. Ky akt u krye në distancën më të afërt me rërën, në prani të qindra fëmijëve pushuesve të tjerë që losnin aty. Në këtë aspekt komisari nuk është asgjë tjetër vetëm një xhelat. Krimi është një dëshmi e një shteti të mbushur me të tillë”, tha Berisha.

Kryedemokrati iu përgjigj edhe kryeministrit Edi Rama, i cili në reagimin ndaj ngjarjes, zgjodhi të sulmonte mediat dhe kundërshtarët, duke i quajtur “vampirë politikë”.

Sipas Berishës, vampirë politikë janë ata që kanë vrarë qytetarë të pafajshëm, duke sjellë në vëmendje edhe rastin e Klodian Rashës, i riu që u qëllua për vdekje nga një polic.

"Vampirë janë ata që vranë te dera e shtëpisë Klodian ashën, ajo që e bën dhe më të rëndë këtë dramë se kryeministri i vendit në vend se të shkarkojë me urgjencë ministrin e familjes Çuçi, u vërsulet gazetarëve, politikanëve dhe i krahason ata me vampirë politikë, pra tregon se mban anën e vampirëve të vërtetë", shtoi Berisha.

Kryedemokrati konfirmoi edhe pjesmarrjen në protestën që do të zhvillohet sot në orën 19.00 para ministrisë së Brendshme, duke theksuar se demokratët do të jenë atje si qytetarë.

Të fundit