Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Nishani: Basha përfaqëson minorancën në PD, Rama s'ka parë asnjë të keqe prej tij

Politiko 16 Qershor 2021, 11:58

Nishani: Basha përfaqëson minorancën në PD, Rama s'ka

Anëtari i Këshillit Kombëtar të PD-së, Bujar Nishani deklaron se vendi ynë ka probleme thelbësore me zgjedhjet. Sipas tij, si në zgjedhjet e përgjithshme, ashtu edhe në ato për partinë, i pushtetshmi i deformon ato në favor të tij.

Gjatë fjalës së tij në konferencën për shtyp të grupimit për PD-në, Nishani deklaroi se Basha përfaqëson minorancën e PD.

“Unë besoj se është shqetësim i shoqërisë, edhe i juaji si aktorë shumë të rëndësishëm të shoqërisë. Po evidentojmë që kemi probleme thelbësore me zgjedhjet në këtë vend. Bëhen zgjedhje të përgjithshme politike në vend ngrihet pushteti, shfrytëzon fuqinë e tij, i vjedh zgjedhjet, abuzon me to dhe manipulon zgjedhjet ato në favor të vet. Bëhen zgjedhjet në parti, ngrihet i pushtetshmi brenda partisë i manipulon zgjedhjet, i deformon ato në favor të tij. Është defekt i madh që po e lë këtë vend në ngecje të madhe.

Në Korçë bashkia Korçës ku patën mundësi kandidatët të kontrollin pjesërisht procesin rezultoi se fitoi vetëm me 17% të votave të anëtarësisë. Në zona të tjera, ku nuk kishte kontroll, mbështetja arriti deri në 70% për Bashën. Në Devoll kryetari i PD deklaroi publikisht se ndihet i turpëruar dhe e bojktoi procesin e votimit pasi anëtarëve u mohua pjesëmarrja. 50% e anëtarësisë fshihet. Një media ka treguar si hidhen 7 fletë votimi në kuti dhe kjo ka ndodhur kudo. Sot përfaqëson minorancën e PD më pak se 30% të anëtarësisë së PD-së.”, tha Nishani.

Ai shtoi më tej se Edi Rama nuk ka parë asnjë të keqe nga Lulzim Basha dhe renditi arsyet se pse kryeministri është komod me kryedemokratin në krye të opozitës. Në këtë mënyrë, Nishani mohoi që Rama të jetë investuar për të hequr Lulzim Bashën nga kreu i PD-së, ndryshe nga ç’pretendon ky i fundit.

“Sipas tij Edi Rama po investohet fort që ta hequr Lulzim Bashën nga kreu i Partisë Demokratike. Fatmirësisht nuk e realizoi dot dëshirën e tij. Pas kësaj akuze kam të drejtë të bëj një kundër pyetje për Lulzim Bashën dhe ata që trullosen nga akuzat e Bashës. Kundër pyetja ime është kjo, pse Edi Rama nuk e do Lulzim Bashën në krye të PD? Çfarë të këqijash ka parë Edi Rama nga Lulzim Basha si kryetar i PD? A ishte Lulzim Basha që ia fali reformën territoriale Edi Ramës? Po. A ishte Basha që ia fali zgjedhjet e 2017 me marrëveshjen e famshme të bashkëqeverisjes? Po. A ia fali Basha parlamentin me 100% vota në favor të Edi Ramës? Po. A ia fali Basha bashkitë e vendit pa garë? Po. A po e konfirmon masakrën që bëri më 25 Prill duke shkuar në parlament dhe duke njohur institucionet e dala nga masakra e Edi Ramës? Po. Pra Edi Rama nuk ka parë asnjë të keqe nga Lulzim Basha që ta heqë. Edi Rama është aty komod sa kohë që Lulzim Basha do të jetë atje jo komod, se nuk do të jetë komod Lulzim Basha për sa kohë demokratët do të vazhdojnë të vuajnë dhe më keq nga një pushtet i cili do të jetë më i korruptuar, më i dhunshëm dhe më abuzues”, tha Nishani

Përfaqësuesi tjetër i grupimit, Arben Imami, i bëri thirrje Bashës që të mos fshehë listat e anëtarësisë. Ai u shpreh se këto zgjedhje nuk e kanë bashkuar PD.

“Në zgjedhje u paraqitën disa kandidatë, çka tregon se zgjedhjet e vitit 2017 kanë qenë plotësisht zgjedhje të montuara. Këto zgjedhje janë përtej njohjes dhe mosnjohjes, përtej ligjshmërisë dhe paligjshmërisë në kuptimin që kandidatët, në këtë rast zonja, nuk kanë listat. Ne mund të gjykojmë për një proces nëse është i ligjshëm apo i paligjshëm duke konfrontuar listat me pjesëmarrjen konkretet. Edhe sot pasi kanë mbaruar zgjedhjet kandidatët nuk kanë listat e PD. I them Bashës, ti je kryetar i PD, një parti që është ngritur për çështjet e ligjit dhe të lirisë në këtë vend. Nuk je kryetar i një subjekti terrorist, klandestin, komunist që mban lista të fshehta anëtarësie. Listat e fshehta të anëtarësisë i mbajnë vetëm organizatat e fshehta terroriste. Në një parti që u lind për të vendosur demokraci në vend nuk mund të ketë lista të fshehta. Dua të bëj edhe një vërejtje tjetër. Zgjedhjet në parti bëhen për të pasur konkurrencë dhe për të parë përpara. Sot PD nuk është më e bashkuar se para zgjedhjeve. Vendosja në mënyrë të njëanshme e datës së zgjedhjeve, hile mashtruesish ordinerë nuk e bashkon më shumë partinë. Koha e ngushtë në dispozicion për kandidatët nuk jep mundësinë që të përfshihet anëtarësia në këtë proces. Heqja e 30 mijë anëtarëve nga lista në fakt janë themeli i PD-së të cilët këto vite nuk bashkohen me politikat e Lul Bashës dhe në këto zgjedhje kjo pjesë e rëndësishme e PD formalisht u përzu nga PD. Çfarë shansesh ka PD për të fituar zgjedhjet e pritshme nëse 25%-30% të anëtarëve të saj, të themelit të saj i përjashton nga proceset e brendshme të zgjedhjeve? Shanset zgovëlohen. Edhe baza e PD-së në zgjedhjet e përgjithshme shkon duke u ngushtuar. Këto nuk janë zgjedhje dhe as zgjidhje për PD dhe për vendin”, tha Imami.