Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Nishani në Këshillin Kombëtar: Masakra elektorale? Gjysma e të vërtetës, gjysma tjetër është dështimi ynë

Politiko 16 Maj 2021, 21:04

Nishani në Këshillin Kombëtar: Masakra elektorale? Gjysma e

Kryetari i Këshillit Kombëtar të PD, Bujar Nishani e ka cilësuar ‘masakrën elektorale’ e lakuar nga kryedemokrati Lulzim Basha pas humbjes së zgjedhjeve, si një gjysmë të vërtete.

Gjatë fjalës së tij në mbledhjen e Këshillit Kombëtar, Nishani thotë se PD sot ndodhet në një situatë dëshpërimi dhe zhgënjimi, ndaj dhe humbjen e zgjedhjeve ia atribuon edhe dështimit të partisë për të fituar në 25 prill.

“PD sot ndodhet në një situatë dëshpërimi, zhgënjimi, udhëkryqi, por edhe momenti historik. Së pari dua të shpreh simpatinë, solidaritetin dhe mirënjohjen time për të gjithë kandidatët tanë për deputetë për betejën e pabarabartë që zhvilluan. Mbi të gjitha për demokratët, aktivistët, shtabet tona elektorale, komisionerët, numëruesit, strukturat e partisë, për sakrificat e bëra në një betejë elektorale, jo vetëm anormale, por me një regjimi gangsterësh.

 Sot Shqipëria ka mbetur peng e të njëjtit regjim që do të vendosë fatet e këtij vendi edhe për katër vite të tjera. Pavarësisht skandaleve, dështimit, korrupsionit dhe shkatërrimit të shtetit që shkaktuan në 8 vite, sot jemi thirrur nga kryetari i partisë për të analizuar masakrën elektorale. Po masakra elektorale që ka ndodhur është e vërtetë por kjo është vetëm gjysma e të vërtetës së hidhur. Por gjysma tjetër e të vërtetës po aq e hidhur, është  dështimi ynë për të fituar këtë betejë, cka përbën pjesën tonë të përgjegjësisë.

U dëshpëruam nga dështimi i aksionit politik që nisi me djegien e mandateve në Parlament, por sërish e rikuperuam. U dëshpëruam nga dështimi dhe kostoja e madhe politike që morëm nga bojkotimi i zgjedhjeve lokale të 2019-ës por përsëri e rikuperuam. Sot dëshpërimi është në një përmasë të paimagjinueshme”, tha Nishani.

Të fundit