“Një baba, një mjek, një politikan”, Ilir Alimehmeti rrëfen jetën personale në ‘Elevate’

Zëdhenësja e Partisë Demokratike, Floriana Garo ka startuar mbrëmjen e djeshme (17 prill) “Elevate by Floriana Garo”, në Youtube.

Kandidati për deputet i Aleancës për Shqipërinë Madhështore, Ilir Alimehmeti ishte i ftuari i parë i cili ka bërë një rrëfim ndryshe nga sa jemi mësuar ta shikojmë.

Alimehmeti është “zhveshur” nga kostumi i mjekut dhe politikanit, ku ka rrëfyer jetën dhe vështirësitë që ka hasur.

I pyetur nga Garo për familjen, ai është shprehur se ka pasur dëshirë të kishte tre fëmijë.

Garo ka vijuar më tej teksa e ka pyetur sesi ka qenë të bëheshin prindër të rinj, duke qenë të dy mjekë, ndërsa kandidati për deputetet është shprehur se: Ngarkesat menaxhohen nëse fillon vendos prioritetet. Nëse prioritet është familja dhe puna, burrë e grua vendosin ekuilibrin dhe mbështesin njëri-tjetrin.

Pjesë nga intervista

Alimehmeti: Unë kam dy vajza, i kam shumë të mira, por do doja të kisha tre. Që të kisha tre do të thotë që ti kisha nisur me herët.

Kanë qenë ato elementët, jo mbaro shkollën, jo pret sa të hysh në specializime, me situatat tonë, që kalon çdo mjek te ne.

Garo: Si ka qenë të bëheshit prindër të rinj, duke qenë të dy mjekë? Të dy në një fushë të vështirë, pa orare, pa kohë, si e keni menaxhuar këtë?

Alimehmeti: Femrat e reja, kur bëhen me fëmijë bëhen më eficente. Sot në çfarëdo profesioni ngarkesat janë të mëdha, presioni i madh… Kemi ngarkesa të mëdha kohore.

Ngarkesat menaxhohen nëse fillon vendos prioritetet. Nëse prioritet është familja dhe puna, burrë e grua vendosin ekuilibrin dhe mbështesin njëri-tjetrin.

Garo: Besoj në kohën e ardhjes së vajzave ka qenë partnerja që është tërhequr më shumë. Ti ke qënë babai që i ke ndihmuar me punët e shtëpisë dhe kujdesin ndaj vajzave?

Alimehmeti: Po patjetër, në gjithçka. Ajo i bën më mirë përsa i përket pjesës cilësore, por patjetër.

Fokusi i këtij kanali do të jenë kandidatët për deputetë të Aleancës për Shqipërinë Madhështore, ku do “të zhvishen” nga kostumi i një politikani, dhe do t’i njohim përtej politikës.