Flash News

Lojëra fati online, arrestohet administratori i lokalit te "Rruga e Elbasanit"

11 Maji/ Berisha nxjerr të tjera prova: Edi Rama bleu votat me skemat në bujqësi

Skerdi Tase rrëfen në GJKKO vrasjen e Emiljano Ramazanit: U paguam 130 mijë euro

Kishte ardhur me pushime në Dhërmi me shoqërinë e tij, humb jetën 20-vjeçari nga Kosova

Sekuestrohen pasuritë e 53-vjeçarit në Tiranë (EMRI)

Ditari i Opozitës

"Një formulë është fraksioni", Çollaku: Berisha e Noka të ofrojnë projektin e bashkimit të PD

Politiko 11 Korrik 2024, 16:53

"Një formulë është fraksioni", Çollaku:

Deputeti Kreshnik Çollaku kërkon nga kreu i PD, Sali Berisha dhe Sekretari Flamur Noka që të ofrojnë një projekt për bashkimin e Partisë Demokratike.  

Në MCN, Çollaku theksoi se një formulë mund të jetë fraksioni, ose modeli i partisë autonome brenda PD-së, sikurse e kanë republikanët në SHBA.

“Unë kam deklaruar që kam reaguar dhe kolegia ime ka reaguar. Të gjithë deputetët e grupit tonë janë të PD-së, s’ka lëvizur nga përfaqësimi, përfshirë z.Basha, i vetmi rast që u largua është z. Enkeled Alibeaj. Unë kam bërë një reagim, se si duhet të ishte sjellja jonë jo vetëm si deputet, por edhe si përfaqësues të një strukture njerëzore që deri dje ishte PD-ja zyrtare, dhe në debate unë kam refuzuar propozimet për të krijuar një subjekt tjetër politik, kam refuzuar të braktis PD-në. Nga pikëpamja institucionale s’kemi shkuar askund, mbetemi dhe jemi pjesë e PD, pastaj vlerësimet për situatat mund t’i kemi të ndryshme.

11 qershori është një realitet juridik që krijoi një realitet të ri politik. PD ka qenë e ndarë në dy pjesë, Rithemelimi dhe PD zyrtare. Të dyja palët kanë qenë të strukturuara si parti paralele. Vendimi i 11 qershorit ia njohu legjitimitetin Rithemelimit dhe z.Berisha. Reagimi i parë i Berishës dhe të tjerëve kanë qenë pozitive, ftuan për bashkim, mbyllje të konfliktit. Unë i kam lexuar si vullnet pozitiv, një dorë e shtrirë. Por bashkimi ose bashkëjetesa nëse duam, deklaratat janë thjesht shprehje vullneti, jemi ende larg, s’do të thotë në mënyrë automatike bashkim apo bashkëjetesë.

Bashkimi realizohet jo përmes deklaratave, por duhet të ofrohet një projekt bashkimi i demokratëve. Palës fituese i takon barra të ofrojë një projekt bashkimi. Sot është përgjegjësia e Berishës, Flamurit, të ofrojnë një projekt bashkimi që bën bashkë pjesët që mendojnë ndryshe, ose kundër. Përmes modeleve të një fraksioni, ose me modelin republikan, një parti autonome brenda partisë. Unë e kam bërë publik synimin tim që sapo të kalojë historia e protestës, do t’i kërkoj në mënyrë zyrtare si deputet z.Noka të bëjë publik idetë apo projektet e tyre për një bashkim të demokratëve. Bashkim s’do të thotë nënshtrim dhe të braktisësh mendimet që ke pasur deri dje. Psh. në rastin SPAK ne e mendojmë totalisht kundër. Por kjo s’na pengon që të jemi bashkë në një sigël kundër Edi Ramës”, tha deputeti. 
Çollaku tha se nuk duhet të ketë kritere individësh sa i takon bashkimit, që sipas tij e dëshirojnë 90 për qind e anëtarësisë.  

"Këto shprehjet që të vijnë këta, por jo ata, janë sektare, të panevojshme. Janë provokime që bazohen në mentalitet sektar. S’duhet të ketë kritere individësh. Ose do bashkekzistojmë të gjithë, ose s’do bashkekzistojmë. Jam në kontakt me strukturat dhe ka një vullnet, në masën 90 për qind për të realizuar këtë bashkim. Edhe ish-Rithemelimi e kupton se pa bashkim shanset për fitore janë thuajse zero. Por bashkimi s’duhet të jetë një nënshtrim. Duhet të ofrohet një projekt ku të gjithë të respektohen dhe secili të marrë vendin që i takon. Mbas protestës synoj të takohem me z.Noka dhe ta pyes nëse ka një projekt transparent, serioz, që përfshin jo vetëm 10 deputetë, por krejt strukturën njerëzore të ish-PD-së zyrtare. Mbas protestës synoj të takohem me z.Noka dhe ta pyes nëse ka një projekt transparent, serioz, që përfshin jo vetëm 10 deputetë, por krejt strukturën njerëzore të ish-PD-së zyrtare. Të kërkosh parti tjetër për inat të Berishës më duket fundamentalizëm politik. Përballë kemi një përbindësh si Rama, që të ndarë na ha për mëngjes.”
 Çollaku tha se sot do ketë në shesh edhe socialistë të shumtë që mendojnë se Rama duhet të largohet.

Të fundit