"Një vit pas tërmetit, shumë premtime, pak rezultate", PD: Qeveria po e përdor fatkeqësinë për zgjedhje! Dëshmuam se si shteti i vrau banorët

Ish-deputetë të Partisë Demokratike, pjesë e ekipit që kanë ndjekur nga afër procesin e rindërtimit, janë mbledhur në një konferencë të përbashkët, me rastin e një vjetorit të tërmetit tragjik të 26 nëntorit.

Gjatë fjalës së tyre, Dhurata Çupi, Grida Duma, Gent Strazimiri, Orjola Pampuri, Çlirim Gjata, Dorjan Teliti, Jorida Tabaku, Luçiano Boçi dhe Akil Kraja, kanë pohuar se qeveria u ka bërë shumë premtime të dënuarve, por rezultatet janë të pakta.

Sipas PD-së, qeveria po e përdor fatkeqësinë për të vjedhur dhe për zgjedhje.

Po ashtu, ish-deputetët kanë mbajtur një moment heshtje në nderim të 51 viktimave të tërmetit tragjik.

“Si sot, një vit më parë, ishim të gjithë të tmerruar nga një prej fatkeqësive më të mëdha, që goditi vendin. 51 qytetarë, fëmijë, të rinj, nëna dhe baballarë humbën jetën nën rrënojat e tërmetit. Ftpj kolegët të mbajmë një moment heshtje për të gjithë ata që humbën jetën 26 nëntorin e kaluar! Ky vit ka kaluar me shumë vështirësi dhe sakrifica nga të gjithë ne, por ajo që ka ndodhur gjatë këtij kanë qenë shumë premtime të qeverisë dhe fare pak rezultate.

Edi Rama sot nuk ka bilanc për rindërtimin. As ai dhe asnjë nga qeveria nuk janë në gjendje t’i përgjigjen një pyetje fare të thjeshtë: Pse nuk i mbajtën premtimet?

Pandemia nuk është justifikim. Sektori privat nuk e ndërpreu punën për ansjë moment. Kullat në Tiranë janë ngritur, vetëm shkollat e fëmijëve dhe shtëpitë e 11 mijë familjeve nuk janë ndërtuar akoma.

Edi Rama e ka shpërdoruar kohën! Ai dhe qeveria e kanë patur në dorë të përfundonin, në most ë gjitha, të paktën pjesën më të madhe të rindërtimit. Edi Rama nuk e ka bërë këtë! Ka preferuar të bëjë politikë me fatkeqësinë e mijëra familjeve, sicc bën politikë me pandmeinë, sicc ka bërë gjithnjë për interes të pasurimit dhe pushtetit të tij personal!

Për Edi Ramën shqiptaret janë vetëm numra elektoralë. Qytetarët shqiptarë nuk kanë më kohë për të humbur me Edi Ramën! Mjaft janë vjedhur! Mjaft janë mashtruar! Qytetarët shqiptarë meritojnë më shumë. Shqipëria ka nevojë për një qeveri funksionale, që punon për njerëzit”, ka thënë Dhurata Çupi.

“Kudo ku kam qenë, gjatë këtij viti të vështirë, në fshtrat me shtëpi të dëmtuara në Thumanë, Manzë, Tiranë, kam kuptuar se i ashtuquajturi "bonus qeraje" është zgjidhje pa zgjidhje e qeverisë.

Është rasti tipik ku qeveria gënjen qytetarin e saj, pa e ndihmuar realisht atë!

Asnjë prej fshatarëve nuk ka ikur nga shtëpia, nëse ajo nuk është rrafshuar, sepse asnjë prej tyre nuk e ka luksin të lërë oborrin e shtëpisë së rrënuar. Aty ka gjithçka me të cilën mund të jetojë, ka bagëtinë dhe ekonominë e vogël bujqësore.

Ccdo kryefamiljar i prekur nga tërmeti po vuan vonesat e kësaj qeverie dhe të këtij kryeministri me rindërtimin. Prej një viti, po mbajnë në kurriz pazaret e pista të pushtetit për të zhvatur secili diccka nga fondet e rindërtimit. Premtimet e Edi Ramës kanë qenë të mëdha, realizmet krejt të papërfillshme!”, tha Strazimiri.

“Fatkeqësia është përdorur për të vjedhur kudo dhe hapur. I njëjti model vjedhjeje i 7 viteve të fundit, por tashmë nga një burim i ri, ai i gjoja – rindërtimit.

11 mijë e 500 familje sot nuk kanë shtëpi, sepse Edi Rama dhe Erion Veliaj zvarritën qëllimisht procedurat me muaj të tërë.

11 mijë e 500 familje sot nuk kanë shtëpi sepse Edi Rama dhe Erion Veliaj me ndërgjegje të plotë vendosën qëllimisht braktisjen e tyre, pasi u duhej koha e nevojshme për të realizuar në mënyrë tinzare devijimin e paligjshëm të fondeve të rindërtimit, duke i kaluar ato për zyra të qeverisë dhe të bashkisë.

Janë me mijëra metra katrorë që u merren qytetarëvë në nevojë për luksin e qeverisë së dështuar, për luksin e zyrave të lloqeve shumë e punëve hic.

Jane me dhjetëra e qindra pazaret që po bëhen me tokat që lirohen nga godinat ekzsituese, jo për të ndërtuar shtëpi, por kulla shumëkatëshe me shokët e për shokët”, tha Gjata.

“Veç pamjeve të rrënojave dhe të tragjedisë, në ditën në vijm pas 26 Nëntorit të kaluar, kemi dëshmuar gjendje e situata njerëzore nga më të rëndat.

Dëshmuam se si shteti i vrau banorët e Thumanës kur mund t’i kishte shpëtuar nga Shtatori i të njëjtit vit kur tërmeti i parë i dha goditjen e kur mund të parandalohej tragjedia.

Kemi dëshmuar se si familjarët ngjiteshin në objektet gati për tu rrëzuar që të shpëtonin ndonjë orendi nga investimi i jetës.

Një realitet fatal, të vësh jetën në rrezik për të shpëtuar diçka nga prona, sepse prona përfaqëson atë çka ka prodhuar jeta. Por jo vetëm kaq, por sepse shqiptarët jetojnë nën një qeverisje ku po nuk pate asgjë je një asgjë. Sepse e dinë që  si të pamundur janë të mundur, nga qeveria e vet.

Këtë e kanë provuar me Edi Ramën.

Provuan dhe panë se si  në ditët më të zeza i shfrytëzoi si kavie që i reklamonte fatkeqësinë, ekran më ekran, duke mbuluar paftësinë dhe pangopësinë.

Provuan dhe panë që për Edi Ramën janë shifra jo njerëz.

Të  goditurit  janë edhe më shumë të kërrusur se mbajnë mbi shpatulla veç humbjeve, mbipeshën më të madhe nga tallja, sorrollatja dhe padijenija.për të nesërmen. .

Asnjë datë, asnjë radhë asnjë informacion nuk kanë se kur, kur do të mund të strehohen.

Për Edi Ramën nuk ka rëndësi të afishohet radha e pritjes së shtëpiave që duhet të strehojnë, e rëndësishme është të afishohet radha e atyre 5 apo 6 njerëzve që fitojnë tenderin e rindërtimit”, është shprehur Duma.