Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Noka: Bënë gjithçka për t'ia fshehur fytyrën Eskobarit të Surrelit, por 3 media ia zbuluan gjithë botës

Politiko 6 Qershor 2024, 13:47

Noka: Bënë gjithçka për t'ia fshehur fytyrën

Sekretari i Përgjithshëm i PD, Flamur Noka ka deklaruar se sado që qeveria u përpoq të fshihte fytyrën e vërtetë të qeverisë Rama, mjaftuan vetëm 3 media për t’i zbuluar botës “Escobarin e Surrelit”.

Noka u shpreh se ato karrige të Parlamentit, Rama ka ulur Arben Ndokën dhe Rrahman Rrajën, ish-deputetë të përmendur në bandat kriminale.

"100 hapa larg nga ju po shikoni se si po zhvillohet një seancë narko-parlamenti. Parlamenti i turpit, parlamenti i drogës!

Atje keni përfaqësuesit tuaj, por pjesa tjetër janë përfaqësuesit e Ben Ndokës, janë përfaqësuesit e Rrahman Rrajës, janë përfaqësuesit e krimit të organizuar shqiptar. Ata janë përfaqësuesit e narko-shtetit.

Ajo Lindita atje, përfaqëson Eskobarin dhe jo vetën e qytetarit shqiptar. Ata deputetë atje janë përfaqësues të narko-shtetit dhe narko-regjimit.

Kanë 11 vjet që kanë bërë gjithçka për ta fshehur fytyrën e vërtetë të regjimit të Eskobarit të Surrelit dhe ata tashmë kanë blerë media, kanë blerë edhe politikanë të opozitës. Kanë bërë gjithçka edhe për të blerë ndonjë ndërkombëtar që vetëm e vetëm, realiteti i Shqipërisë…

U munduan dhe e futën shejtanin në shishe. Por jo. Menduan se shejtanit i vunë maskën e engjëllit dhe do të drejtonin për 11 vjet, t’ia shisnin këtë imazh gjithë botës perëndimore, gjithë botës së qytetëruar, por u deshën vetëm tri media, u desh RAI3 që t’i çjerrë maskën këtij regjimi dhe t’i thotë gjithë botës se në Shqipëri nuk ka qeveri por ka narko-shtet.

U desh RAI3, u desh BILD, u desh Ëashinton Examiner që t’i thonë gjithë botës se Shqipëria nuk ka kryetar qeverie, por ka kreun e narko-regjimit.

U deshën tri media që të nxjerrin të palarat e këtij shteti kriminal.

U desh një media si RAI3 që t’i tregojë gjithë botës se në zyrën e kryeministrit, aty ulet krimi i organizuar, në ato karrige ku duhej të uleshin partnerët tanë kur vijnë në takime zyrtare.

Por në ato karrige është ulur karteli i Sinaloas, në ato karrige Rama ka ulur Ben Ndokën, Rrahman Rrajen, ka ulur Durim Bamin, ka ulur Behar Bajrin, ka ulur Pëllumb Gjokën, ka ulur gjithë krimin e organizuar shqiptar vetëm e vetëm me një qëllim që t’i përdorë për të blerë vota dhe bllokuar rotacionin, që është gjëja më e shëndoshë në një demokraci", deklaroi Noka.