Flash News

Ditari i Opozitës

Noka: Për ‘Xibrakën’ kishte urdhër, ‘mbylle, se qelbet!’

Noka: Për ‘Xibrakën’ kishte urdhër, ‘mbylle,

Sekretari i Përgjithshëm i PD, Flamur Noka akuzon SPAK se po pastron çdo krim me lidhje qeveritare afër Edi Ramës.

"SPAK vazhdon të jetë një vegël e Edi Ramës dhe që nuk ka mision luftën kundër krimit të organizuar, por ka mision mbrojtjen dhe pastrimin e provave të krimit dhe të elementëve të krimit për çdo qeveritar afër Ramës apo familjar të tij. SPAK ka si synim kryesor luftën kundër opozitës”, tha Noka në A2 News teksa foli për dosjen e Xibrakës. Më tej, ai ngriti disa pikëpyetje, ndërsa tha se urdhri ka qenë nga lart për ta mbyllur si çështje.

"Çfarë pune kishte aktiviteti i Xibrakës me Kosovën? Aktivitetin e bandës së Xibrakës ku rezulton i përfshirë emri i Olsi Ramës e ka hetuar prokuroria e Hanoverit. Ajo disponon të gjitha të dhënat. Pse nuk bashkëpunoi SPAK-u me prokurorinë e Hanoverit në Gjermani? Çlidhje kishte aktiviteti në Kosovë? Fshehje dhe prishje e provës së krimit.

Personi i identifikuar si 45 vjeç dhe me fotografi. Tani më thoni mua, shteti e di moshën dhe foton, por SPAK nuk e identifikon dot. Kjo është ngutje e urdhëruar nga lartë: Mbylle, veri kapak se qelbet”.

Të fundit