Noka: Rama dhe mafia ndërkombëtare me Skapin e Partisë përdorën sërish korrupsionin kundër Berishës

Sekretari i Përgjithshëm i PD, Flamur Noka komentoi vendimin e Prokurorisë së Posaçme (SPAK) e cila sot nuk pranoi kërkesën e Sali Berishës për të marrë pjesë në seancat plenare të Kuvendit, në cilësinë e deputetit.      

Duke folur në një takim me kryetarët e degëve të PD, Noka tha se kryeministri Rama dhe banda e tij e pushtetit po e pengojnë opozitën të bëjë detyrën, por shtoi se asgjë nuk e ndal në misionin e saj.

“Rama dhe banda e tij e pushtetit po na pengojnë të bëjmë detyrën, por asgjë nuk na ndal në misionin tonë. As Sali Berishën, as Partinë Demokratike, as opozitën, as shqiptarët.

Dhe…Ta kenë të qartë këtë: ne nuk na pengojnë dot dhe as na bëjnë të dorëzohemi”, tha Noka ndër të tjera.

Deklarata e plotë:

E penguan sot Sali Berishën të shkonte të bënte detyrën, të përfaqësonte në Kuvend qindra mijëra shqiptarët që i besojnë dhe votojnë Partinë Demokratike. E penguan sepse Sali Berisha u kujton, me fjalë dhe rezistencë, se si partia e Rilindjes dhe Skapi i partisë kanë lënë të lirë me qindra kriminelë, vrasës dhe korruptues dhe te korruptuar qe kane vjedh dhe vjedhin çdo dite taksat e tuaja, taksat e shqiptareve…

SKAPI i partisë, pa asnjë argumentim, ndalon një deputet të Kuvendit të Shqipërisë dhe një kryetar opozite, që të jetë përfaqësuesi i zgjedhësve të vet. Ndërkohë, Ilir Beqjen shumë prej jush mund ta keni ndeshur këto ditë nëpër rrugët e bllokut, si shenjë e turpit të cilin Skapi e ha me bukë.

E pengojnë edhe opozitën reale të Shqipërisë që të marrë vendin që i takon me ligj në Komisionin e Reformës zgjedhore.

Na penguan dhe po na pengojnë që të bëjmë detyrën për të cilën jemi dërguar në atë parlament.

Rama dhe banda e tij e pushtetit po na pengojnë të bëjmë detyrën, por asgjë nuk na ndal në misionin tonë. As Sali Berishën, as Partinë Demokratike, as opozitën, as shqiptarët.

Dhe…Ta kenë të qartë këtë: ne nuk na pengojnë dot dhe as na bëjnë të dorëzohemi.

Mblidhemi prej 20 ditësh pa ndërprerje, pavarësisht shiut apo të ftohtit te ‘Rruga e Shpresës’, për t’i thënë Doktor Berishës se nuk është vetëm. Për ti thënë Edi Ramës se kur të mbërrijë ora e përballjes së tij me vetminë do të jetë qyq i vetëm, me katër muret e trasha të vilës në Surrel, para se ta marrin për ta cuar mes katër mureve të ftohta të qelisë.

Zonja dhe zotërinj.

Në të gjithë karrierën e tij Sali Berisha është njohur si i pakorruptueshëm.

Antikorrupsioni i Sali Berishës ka qenë dhe njeri nga faktorët kryesor të sukseseve të qeverisjes së tij. Pas daljes në opozitë Sali Berisha denoncoj me shumë se të gjithë politikanët e tjerë të marrë së bashku aferat personale familjare dhe qeveritare korruptive të Edi Ramës dhe ministrave dhe zyrtarëve të tij.

Lufta ndaj Sali Berishës është lufta e sistemit korruptiv të Edi Ramës kundër antikorrupsionit të Sali Berishës, betejës së tij pa kompromis kundër këtij i fenomeni që po shkatërron Shqipërinë.

Edi Rama me të gjitha levat e tij kontrolloj vite e vite të tëra aktet dhe vendimet e Sali Berishës kryeministër dhe qeveritarëve të tij, por nuk gjeti asnjë provë, asnjë fakt apo dokument që të implikoj atë. Pas kësaj Edi Rama duke përdor korrupsionin transnacionale me armikun e demokracisë shqiptare George Soros dhe duke korruptuar McGonigal etj., e arriti të shpalle ‘non grata’ si të korruptuar Sali Berishën, por prej tre vitesh nuk u paraqit asnjë fakt, asnjë provë apo dokument çka dëshmoj edhe një herë se Sali Berisha është ai që ka qenë gjithmonë, i pakorruptueshëm nga askush dhe nga asgjë.

Pikërisht se u faktua i tillë dhe me akuzat false ai jo vetëm që nuk u rrëzua, por u rikthye përsëri në krye të PD për të shpëtuar Partinë Demokratike nga korrupsioni Rama-Basha..

Edi Rama dhe mafia ndërkombëtare me Skapin e Partisë përdoren sërish korrupsionin e tyre për të mposhtur Sali Berishën. Por përsëri ata dështuan …

Dosja e klubit Partizani është piramida më e turpshme e mashtrimit dhe falsifikimeve të cilën Edi Rama dhe armiqtë e Partisë Demokratike dhe opozitës shqiptare dështuan me turpin më të madhe.

Sali Berisha po shkatërron dhe do të shkatërroj projektin e Edi Ramës dhe mafies se George Sorosit për një Shqipëri të zbrazur nga shqiptarët dhe të banuar nga fantazmat e projektit të tij të Shoqërive të hapura.