Flash News

Video/ Kodrat e Dukatit përfshihen nga flakët, zjarri përhapet me shpejtësi mbi fshat

Tragjedi në Teksas: 59 të vdekur dhe 27 vajza ende të zhdukura pas përmbytjeve shkatërruese

VIDEO/ Zbardhet përleshja mes bandave në Greqi, 12 të arrestuar, mes tyre edhe shqiptarë

Jepte para me fajde dhe kanoste njerëzit, arrestohet nënkomisari në Elbasan (EMRI)

EMRI/ Drogë dhe armë pa leje, arrestohet i riu në Durrës, nën hetim bashkëpunëtori

Ditari i Opozitës

"Nuk u përgjigjet këtyre", paralajmëron Tabaku: Qeveria ka plane ta mbyllë KLSH

Politiko 25 Korrik 2024, 16:56

"Nuk u përgjigjet këtyre", paralajmëron Tabaku: Qeveria

Deputetja e Partisë Demokratike, Jorida Tabaku ka paralajmëruar se qeveria ka në plan të mbyllë institucionin e Kontrollit të Lartë të Shtetit.

Gjatë fjalës në Kuvend, ajo tha se raportet e Kontrollit të Lartë të Shtetit japin një situatë që korrupsioni është kthyer në një kulturë pune në administratë dhe nuk i përgjigjet qeverisë.

“Është fatkeqësi që për herë të parë raporti i Kontrollit të Lartë të Shtetit nuk diskutohet në Parlament para mbylljes së këtij sesioni. Është fatkeqësi që qeveria që ndodhet në një pozitë ku raportet e KLSH japin një situatë që korrupsioni është kthyer në një kulturë pune në administratë, përpiqen që të sulmojnë institucionin e të mos merren me punën e tyre.

Planet e qeverisë janë për ta mbyllur KLSH-në, të ndryshojnë ligjin dhe për ta kthyer atë në një gjykatë auditi. Çfarë duhet më që qeveria të vazhdojë dhe të sulmoje çdo institucion të pavarur vetëm se nuk i përgjigjet këtyre. Ka qenë fatkeqësi që raportimi është kthyer në këtë nivel, sulmi është kthyer në këtë nivel dhe sot Parlamenti ka reduktuar fuqinë tij dhe është sot një mashë e maxhorancës, dhe reflektohet në çdo nivel dhe në atë që në po diskutojmë sot, që është korrupsioni.

Raporti i Komisionit të Prokurimit Publik, duket të kishte qenë një raport që nuk duhet të ishte lexuar ndryshe nga të gjitha anët. Tre janë shifra që duhet të përmend, 1.1 miliard euro prokurime publike, që janë më të larta në Ballkanin Perëndimor. I dyti, 85% e prokurimeve janë me fondin limit, i treti 90% e prokurimeve janë me një ofertues, atëherë çfarë gare ka këtu? Sot kemi një ekonomi të komanduar, një grusht kompanish që marrin tendera.

Çfarë bënë institucioni i Prokurimit publik, çfarë masash ka marrë? E dëgjova drejtuesin e institucionit dhe ai ishte komplet një realitet tjetër paralel. Sot korrupsioni është kthyer në një kulturë pune, sot ndryshohen dhe përcaktohen kriteret e tenderave nga administrata, sot përcaktohet kontrata koncesionare nga ata që përfitojnë tendera. Ku është roli i Prokurimit publik këtu? Në cilën situatë ndodhet situata e prokurimeve publike sot ku Prokurimet Publike nuk referojnë për rastet e korrupsionit, janë hapësira për pastrimin e parave, janë sektori më i korruptuar, për çfarë na duhen institucionet e pavarura kur nuk bëjnë punën e tyre? Kur janë në një linjë me qeverinë bëjnë, kur janë në linjë të kundër duhet të sulmojmë dhe punën e tij ta prishim”, tha Tabaku.