Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Numërimi i votave në Kuçovë, Lefter Maliqi kundër rezultatit: U manipulua procesi

Politiko 15 Maj 2023, 12:20

Numërimi i votave në Kuçovë, Lefter Maliqi kundër

Kandidati i koalicionit "Bashkë Fitojmë" për Kuçovën, Lefter Maliqi ka pranuar humbjen ndaj rivalit të tij, por gjithashtu ka reaguar ashpër ndaj rezultatit të zgjedhjeve.

Ai ka deklaruar se votat janë manipuluar nga oligarkët që sipas tij orkestruan lloj e lloj makinacionesh.  Maliqi nuk nguroi të akuzonte dhe Policinë e Shtetit duke e bërë bashkëfajtore në këtë rezultat.

“Çuçi, oligarku Salillari sollën lekë me thasë. Banda, kriminelë çfarë nuk bënë. Kam fituar moralisht, Zoti është i madh. I blenë votat të gjithë me radhë, oligarkët, në orën 12:00 fiknin dritat. Unë banorëve të Kuçovës u jam mirënjohës, sepse hera e parë që thyej këtë bastion të majtë. Kam besim që nuk largohem nga beteja, derisa të të largoj të korruptuarit dhe të këpus falangat e krimit”, tha Maliqi.

Kandidati i "BF" shtoi se ai ka vënë në dijeni për të gjitha këto shkelje edhe OSBE/ODIHR-in, ndërsa tha se do t’i shkojë deri në fund kësaj, duke mos u dorëzuar deri në daljen e rezultatit real.

Diferenca e votave mes Maliqit dhe kandidatit socialist Kreshnik Hajdari është pak më shumë se 200 vota. Sakaq, ndonëse nuk është shpallur zyrtarisht fituesi, socialistët kanë nisur festën në Kuçovë.

Të fundit