Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Opozita nesër protestë në Strasburg, deputetja e PD: Do të sensibilizojmë opinionin ndërkombëtar

Politiko 22 Tetor 2024, 16:35

Opozita nesër protestë në Strasburg, deputetja e PD: Do të

Për herë të parë, nesër (23 tetor) deputetët e opozitës do të protestojnë para Parlamentit Europian në Strasburg, në të njëjtën ditë kur PE mblidhet në seancë plenare.

Më shumë se 30 deputetë të Partisë Demokratike do të jenë të mërkurën në Strasburg, për të protestuar para Parlamentit Europian.

Deputetja Dhurata Çupi, e cila është pjesë e grupit që do të zhvillojë takimet me ndërkombëtarët tregon për A2 CNN se çfarë shqetësimesh do të shprehin në Parlamentin Evropian.

“Kemi konstatuar dhe kemi denoncuar në mënyrë të vazhdueshme si opozitë, standardet e deformuara sa i takon procesit zgjedhor. Moszbatimin e vendimeve të Gjykatës Kushtetuese, pra mungesën e një shteti ligjor. Kontrollin e të gjitha pushteteve nga një individ siç është kryeministri. Ka problematika pa fund që ne do të duhet të informojmë dhe sensibilizojmë opinionin ndërkombëtar”, tha Çupi.

Demokratët përveç takimeve me zyrtarë të Parlamentit Evropian, do të zhvillojnë dhe një protestë simbolike para kësaj godine, por deputetja demokrate këtë aksion e quan fushatë sensibilizuese.

“Nuk ka protestë, por ka një fushatë sensibilizimi. Grupi Parlamentar ka qenë në mënyrë të vazhdueshme në kontakte me ndërkombëtarët, për sensibilizimin për situatën në Shqipëri. Ndaj edhe në formë simbolike kemi vendosur ta zhvendosim pranë Parlamentit Evropian”, tha Çupi . 

Pas kthimit nga Parlamenti Evropian demokratët do të nisin përgatitjet për protestën e 29 Tetorit injoftuar dje nga kryedemokrati Sali Berisha. 

Të fundit