Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Del letra ende e pazyrtarizuar/ Alfred Rushaj heq dorë nga mandati. A po zvogëlohet

Politiko 7 Nëntor 2022, 17:03

Del letra ende e pazyrtarizuar/ Alfred Rushaj heq dorë nga mandati. A po

Pak muaj para zgjedhjeve vendore 2023 dhe në kulmin e debateve për bashkimin e PD, deputeti Alfred Rushaj ka dhënë dorëheqjen nga mandati.

Politiko.al mëson se vendimi është bëtë i ditur nga vetë Rushaj, i cili ishte edhe kryetar i grupit parlamentar i Bashës.

Në letrën ende të pazyrtarizuar të dorëheqjes, Rushaj thotë se shkak është bërë pamundësia për të gjetur konsensus brenda palëve për bashkimin e Partisë Demokratike, ndaj vlerëson se nuk ka më hapësira për një kontribut të tillë në tejkalimin e situatës. 

"Që prej ditës së parë kur u angazhova me fushatën e PD për zgjedhjet 2021, jam përpjekur të jem sa më i sinqertë, bashkëpunues dhe i drejtëpërdrejtë me ju. Për këtë arsye dhe përpara se të kryej procedurat kushtetuese, dua t’ju informoj se kam vendosur të heq dorë nga mandati i deputetit.

Ju falenderoj për punën dhe bashkëpunimin gjatë fushatës, si dhe për mbështetjen si Kryetar i Grupit Parlamentar të PD.

Pas dorëheqjes nga ky funksion, jam përpjekur të kontribuoj modesisht  në gjetjen e një bashkëpunimi mes të gjithë përfaqësuesve të zgjedhur të PD. Me keqardhje konstatoj se ky është kthyer në një mision të pamundur dhe se gjërat që na ndajnë po prevalojnë ndaj atyre që na bashkojnë. Në këto kushte, vlerësoj se nuk ka më hapësira për një kontribut të tillë në tejkalimin e situatës. 

Duke ju uruar suksese dhe gjithë të mirat, shpresoj që Grupi Parlamentar i PD të gjejë sa më shpejt rrugën e bashkimit!", shprehet Rushaj, sipas burimeve të Politiko.al qe jane ne dijeni te doreheqjes.   

Referuar listave të KQZ, emri i që pritet të marrë mandatin e lënë nga Rushaj, është  Petrit Doda.

Ky i fundit ka kandiduar i 32 në listat e PD dhe Aleancës për ndryshim në Tiranë.

Të fundit