Trump sjell paqen në Lindjen e Mesme, heshtje vrastare e së majtës në Kuvendin e Shqipërisë dhe në Parlamentin Europian

Izraeli dhe Hamasi janë dakordësuar për planin e paqes të propozuar nga presidenti amerikan Donald Trump në Rripin e Gazës.

Trump dha njoftimin përmes një postimi në Truth Social, ku theksoi se shumë shpejt do të dorëzohen të gjithë pengjet izraelite dhe se IDF do të tërheqë të gjithë trupat në një vijë të rënë dakord.

Ky lajm i madhë për mijra njerëz të cilët jetojnë në këto zona lufte dhe më në fund do mund të marrin frymë lirshëm, nuk është lajm i madh edhe për të majtët.

Ditën e djeshme në sallën e Kuvendit të Shqipërisë teksa opozita e  quajti ditë historike për botën nënshkrimin e marrëveshjes së paqes së planit Trump  mes Izraelit dhe Hamasit, mazhoranca, nën zërin e kreut të  Grupit Parlamentar të PS, Taulant Balla,nuk e duartrokitën këtë ditë të shenjtë për Lindjen e Mesme, madje i quajti dhe diskutime qesharake.

“Është një marrëveshje që ende nuk është ratifikuar. Ky ndonjë ditë do të na shpallë luftë me marsin. Sapo mbaruam Konferencën e Kryetarëve, jemi anëtarë të NATO-s, të kursejmë vetes diskutime ku dukemi qesharake.”, tha ai.

Por mesa duket e majta është kudo e njëjtë.

Deputeti demokrat, Tritan Shehu, ka ndarë një video në Facebook, nga Parlamenti Europian, ku  e majta nuk e kanë duarëtrokitur konkretizimin e Planit të Trump për paqe në Lindjen e Mesme.

“E majta eshte kudo e njejte, ndodh si ne Kuvendin tone! Edhe ne Parlamentin Europian e majta nuk duartroket konkretizimin e Planit Trump me Paqen ne Lindjen e Mesme!

Nje e majte “pa flamur” e pa “busull” kjo qe mbush Europen keto vite. Larg, shume larg edhe nga e majta europiane e viteve me pare”.

Kujtojme qe bisedimet për fazën e dytë të marrëveshjes së armëpushimit do të fillojnë një ditë pasi pengjet të lirohen, thanë burime për kanalin televiziv të Katarit Al-Araby, pa specifikuar nëse ato parashikojnë kthimin e të gjithë pengjeve, përfshirë të ndjerit, apo vetëm të atyre që janë ende gjallë.

Kanali raporton gjithashtu se Egjipti ka informuar diplomatët amerikanë se nuk do ta lejojë Izraelin të mbajë një prani të përhershme përgjatë kufirit egjiptian me Gazën. Izraeli ka këmbëngulur në mbajtjen e trupave në zonën e Korridorit të Filadelfias për të luftuar atë që e përshkruan si aktivitet masiv kontrabande.