Paralajmërimi për krizën energjetike, Berisha: E krijoi Rama, zbrazi qëllimisht kaskadën e Drinit në gusht

Ish kryeministri Sali Berisha e ka cilësuar paralajmërimin e kryeministrit se Shqipëria do të preket nga një krizë energjetike globale të krijuar nga vetë Edi Rama.

Nga ‘Foltorja’ e mbajtur me demokratët në Gjirokastër, Berisha tha se Rama ka zbrazur kaskadën e Drinit gjatë muajit gusht duke shitur energji masivisht me çmim më të lirë, ndërsa tani sipas tij kaskada është në ‘vdekje klinike’.

Berisha sqaron se në vend që të blinte me çmim të lirë gjatë verës, sot çmimi i energjisë është tre herë më i lartë se në gusht.

"Sot lajmi që jep kreu i meduzës është kriza që do përpijë Shqipërinë. Cila krizë? Spekulant i pashpirt që është. Është rritur çmimi i gazit, por cfarë gazifikimi kemi në Shqipëri, sa energji elektrike prodhojmë nga gazi? Zero.

Nëse kriza e gazit kap një vend që 25% të energjisë e ka nga gazi, si na kap ne që 98% të energjisë e ekmi nga ujërat tona?

Ky bën thirrje që rrisni çmimet se po vjen kriza e gazit, kur gazi konsumohet për gatim tek tuk apo disa makina me gaz. do të induktojë krizën me cdo kusht në familjet shqiptare.

Pas rezervës valutore, rezervën më të çmuar në Shqipëri ka kaskadën e Drinit. Është strategjike. Për specifikat e këtij vitit, ishte plot edhe në gusht dhe gjithnjë ruhet për vjeshtë.

Cfarë ka bërë? Ka zbrazur kaskadën, ka shitur gjatë gushtit energji masivisht,. Deri sot janë prodhuar 7.2 miliard kilovat në Shqipëri. janë konsumuar 6, pjesa tjetër është eksportuar dhe tani kaskada është në vdekje klinike.

Kjo është arsyeja e krizës. Në vend që të blinte me cmim të lirë gjatë verës, sot çmimi është tre herë më i lartë se në gusht.

Kjo është krizë e krijuar vetë, jo e gazit. C’pune kemi me rritjen e çmimit të naftës kur nafta në vend është cent për cent bazë me Zvicrën. E di sa janë rrogat në Zvicër? Janë 95 mijë dollarë vjetore, 5200 janë në Shqipëri.

 Je ti i përzier me aferat. Je me oligarkët ti. Cdo vend ka entet rregullator. Një sadist që thotë do na përpijë kriza", tha Berisha.