Flash News

KQZ: Pjesëmarrja në votime deri në orën 12:00, më e ulët se në 2021

Nusja voton përpara se të shkojë në dasmë në Elbasan: Demokracia para ceremonisë

E paprecedentë! 101 vjeçarja në Fier nuk lejohet të votojë

Denoncon Korreshi: Njerëz të armatosur po intimidojnë qytetarët në qendrat e votimit në Lushnje

Denoncon Luan Baçi: Një kuti votimi ka ardhur me 500 fletë votimi mangët

Ditari i Opozitës

“Paratë shkojnë te qeveritarët dhe klientët e tyre”, Berisha: Nëse s’votojmë ndryshimin, do të shkojmë edhe më keq

Politiko 28 Mars 2023, 20:44

“Paratë shkojnë te qeveritarët dhe klientët e

Kryedemokrati Sali Berisha deklaron se paratë e shqiptarëve përfundojnë te xhepat e qeveritarëve dhe klientela e tyre.

Nga Kuçova, Berisha tha se nga ana tjetër, shumica dërmuese e shqiptarëve po jetojnë në vështirë dhe ngushtësi ekonomike në rritje.

Berisha: Ku shkojnë paratë sot? Paratë sot shkojnë në dy kanale, tek qeveritarët dhe klientela e tyre. Po të shohësh miliardat, vetëm borxhe janë marrë 5 miliardë euro. Të ardhurat çdo vit nga 4 miliardë. Pra, para ka shumë, kjo është e vërteta, por ato nuk shndërrohen në rroga, pensione, infrastrukturë, nuk shndërrohen në ndihmë për fermerët, bizneset.

Ku shkojnë? I marrin qeveritarët dhe klientela e tyre. Pra të gjitha këto përqendrohen në duart e një pakice, stërpakice. Kurse shumica dërmuese e shqiptarëve po jetojnë në vështirë dhe ngushtësi ekonomike në rritje.

Ky kryeministër 136 udhëtime me avion personal me dhomë gjumi. Ministrat e tjerë, 15 fluturime Tiranë-Peshkopi, Xhaçka me helikopter nga 15 mijë euro fluturimin. Të tjerë ulen e darkojnë me biftekë që kushtojnë sa një ka, 1 mijë euro.

Edi Rama blen për oborrin e zyrave të tij, vazo lulesh druri 4 mln euro. Çfarë ndodh kështu, si vjedhin këta. Këta ndërtojnë 1 km autostradë me 24 milionë euro. Kurrë në rruzullin tokësor kjo nuk ndodh. Në një kohë kur ajo kushton, maksimumi 2-3 mln euro. Këta ndërtojnë një shkollë në Tiranë me 6 mln euro, në një kohë kur në Europë ndërtohen 9 shkolla të atilla.

Kreu i bashkisë në Tiranë del e u thotë qytetarëve se ka mbjellur 1 mln pemë. Mendon se ata hanë bar dhe nuk janë qytetarë. E di çfarë do të thotë 1 mln pemë apo jo. 1 mln pemë do të thotë 6 mijë hekratë pyll, dhjetë herë parku i madh i liqenit. Do të thotë vetëm gropa, 25 hekratë e madhe për të mbjellë të gjitha ato. Kujt ja thotë? Ja thotë qytetarëve të kryeqytetit. Po pse u thotë, sepse vjedh e vjedh me fidanët. Kam mbjellë thotë 1 mln pemë. Por një fidan sikur vetëm 10 euro të kushtojë, ka vjedhur të paktën 9 mln euro.

Nëse ne nuk votojmë për ndryshimin, ne do të shkojmë edhe më keq. Nëse në 8 vite kanë ikur 1 mln, në 16 vite po vazhduam kështu, nuk dihet se kush do të mbesë.

Të fundit