Flash News

Aksident tragjik në Itali, humbin jetën dy të rinj, mes tyre një shqiptar

Tragjedi në Turqi/ Zjarr në një hotel në Kartalkaya, 10 viktima dhe 32 të plagosur

Miliarderët e teknologjisë që morën pjesë në inaugurimit e Donald Trump

SPAK, ende në kërkim të parave të ‘incineratorit fantazmë’ të Tiranës

Trump shpall në minutat e tij të para në detyrë një "emergjencë kombëtare"

Ditari i Opozitës

Partia Demokratike propozon hetimin me komision parlamentar për portin e Durrësit

Politiko 4 Dhjetor 2024, 16:05

Partia Demokratike propozon hetimin me komision parlamentar për portin e

Kreu i grupit parlamentar të PD-së Gazment Bardhi bëri me dije se në mbledhjen që Grupi zhvilloi zot, u vendos që mbi aferën e porit të Durrësit të kërkohet hetim i plotë parlamentar.

Bardhi i ka bërë thirrje SPAK që të hetojë investigimet e mediave gjermane.

REAGIM I KRYETARIT TË GRUPIT PARLAMENTAR TË PD, GAZMENT BARDHI

Afera e Portit të Durrësit që sipas investigimeve serioze të mediave gjermane ka gjurmë që shkojnë deri në Ekuador dhe Kolumbi, është një nga aferat më të mëdha të Edi Ramës dhe Belinda Ballukut, që duhet të hetohet me seriozitet dhe pa asnjë vonesë.

Për këtë qëllim, në mbledhjen e sotme të Grupit Parlamentar të Partisë Demokratike u vendos që mbi këtë aferë të kërkohet një hetim i plotë parlamentar.

Transparenca mbi pasuritë publike dhe veçanërisht verifikimi dhe prerja e lidhjeve të krimit të organizuar me projekte madhore strategjike të vendit, duhet të jetë misioni i Kuvendit në periudhën e mbetur të kësaj Legjislature.

Grupi Parlamentar i PD nxit Prokurorinë e Posaçme që sa më parë dhe pa asnjë hezitim të hetojë dhe verifikojë të gjitha investigimet e kryera mbi këtë aferë skandaloze korruptive dhe që dyshohet se ka fije të lidhura me krimin e organizuar ndërshtetëror.

Të fundit