Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

"Partizani", "Bankers" dhe masakrat mjedisore, Berisha: Llum gjyqësor! Institucionet në funksion të partisë së krimit!

Politiko 7 Korrik 2025, 10:50
"Partizani", "Bankers" dhe masakrat mjedisore, Berisha: Llum
Sali Berisha

Kreu i Partisë Demokratike, Sali Berisha, është paraqitur këtë të hënë në Prokurorinë e Posaçme (SPAK) në zbatim të masës "Detyrim Paraqitje".

Pas daljes nga SPAK, në një prononcim për mediat, Berrisha tha se institucionet janë vendosur sipas tij të gjitha në funksion të partisë, ndërsa u ndal te zjarri në Inceneratorin e Elbasanit, procesin për dosjen "Partizani" si dhe çështjen me kompaninë "Bankers".

Berisha tha se zjarri në incenerator është një krim mjedisor që sipas tij nuk ekziston për Altin Dumanin. Ai e quajti më tej Dumanin si një peng të verbër të Edi Ramës dhe Ulsi Manjës, ndërsa shtoi se PD ka bërë shumë padi, por institucionet sipas tij janë të amnistisë së krimeve.

“Tani, siç jeni informuar për 6 ditë me radhë, qytetarët e Elbasanit pësuan agresionin toksik më të madh në historinë e atij qyteti. Ky krim i rëndë mjedisor, sikundër krimi i rëndë ciklik mjedisor në Vlorë, nuk ekziston për Altin Troplinin, paçka se ligji, krimet mjedisore ia kërkon këtij institucioni sepse i ka shpallur krime të rënda. Pra, ky mercenar i Edi Ramës, ka vendosur institucionin në funksion fund e krye të partisë së krimit dhe të qeveritarëve të krimit. Të digjen fusha e plehrave në Vlorë çdo 3 muaj, të marrin vlonjatët gjer dhe dioksinë mund të ketë në ato plehra dhe mund të krijohet nga djegia. Pa diskutuar pastaj efektet e mirëfillta kancerogjene nga djegiet, të gjitha këto nuk ekzistojnë sepse ky është një peng i verbër i Edi Ramës dhe Ulsi Manjës.” – tha Berisha.

Sa i takon procesit ndaj tij Berisha e ka cilësuar si një "llum gjyqësor", ndërsa ka ngritur sërish akuza ndaj gjyqtares Irena Gjoka se kjo e fundit punon në funksion të Ramës dhe Manjës. 

"Edhe dy fjalë për gjykatësen llum njerëzor dhe llum i drejtësisë, turp njerëzor dhe turp i drejtësisë, gjykatësen me 5 mbiemra, Gjoka-Maneku-Stërmaneku. 18 muaj më parë është denoncuar si një mashtruese ordinere.
Si një njeri që ishte shkarkuar me firmë të Sali Berishës dhe u thoshte avoketërve ma provoni se jam shkarkuar.
Dhe kur avoketërit i nxorën vendimin, thoshte nuk jam Gjoka, por jam Maneku.
Ky llum njerëzor dhe llum gjyqësor vazhdon punën si gjykatëse duke qenë në krye të piramidës së turpit të punonjësve të sistemit gjyqësor. Thuhet se para një javë, në qoftë se është e vërtetë, qenka hapur çështje gjyqësore për të.
Tani, më thoni ju mua, një njeri që ka kryer krime të shumta, dhe pas kryerjes së këtyre krimeve, e dënuar në Greqi për vepra penale dhe civile, u deklaroi para dy muajve gazetarëve në Shqipëri që nuk kam qenë kurrë e dënuar.
Ky njeri kishte firmosur prokura për avoketerët për ta mbrojtur për çështjet për të cilat ishte dënuar në Greqi.
Ky person, i cili ka mashtruar publikisht në formularët që plotëson se nuk kam qenë e dënuar, vazhdon turpërisht të ulet në sallën e gjyqit sepse është fytyra e vërtetë e Altin Troplinit, fytyra e vërtetë e Ulsi Manjës dhe Edi Ramës.
Këto janë pra ato që unë parashtrova në vizitën time të shkurtër",- tha Berisha. 

Ai shtoi se për procesin ‘Partizanin’ nuk ka marrë shkresë zyrtare, por avoketërit e tij do përcaktojnë vendimet.

"Unë njoftim zyrtar, siç duhet, nuk kisha marrë, por nuk ishte ajo arsyeja. Arsyeja ishte se, unë isha në një udhëtim, siç mund ta keni marrë vesh. Por, e vërteta është se, njoftimi zyrtar nuk kishte ardhur.
Unë iu kam dhënë një përgjigje, mos përsërisni pyetjet. Janë avoketërit e mi ata të cilët përcaktojnë vendimet.
Unë gjer tani njoftim zyrtar nuk kam marrë, por unë nuk mund të them se nuk kam marrë, se ajo është dhënë në media që është shtyrë gjyqi për datën 21. Por, shkresë nuk kam marrë",- përfundoi kreu i PD-së.

Më tej berisha akuzoi Prokurorinë për mashtrim publik në lidhje me çështjen “Bankers Petroleum”. Kreu i PD theksoi se gjatë qeverisjes së tij kompania ka paguar qindra milionë euro dhe është vendosur për herë të parë një rentë prej 10%, më e lartë se tatim fitimi.

Ai sqaroi se kontrata me Bankers ishte trashëguar nga një qeveri e mëhershme dhe përfshinte klauzola që e mbronin nga ndërhyrje të njëanshme. Sipas Berishës, kompania nuk e çoi çështjen në arbitrazh, por pranoi marrëveshjen për rentën si pjesë e një nisme të OKB.

"Kontrata me Bankers Petrolium është e firmosur nga qeveria para qeverisë së PD. Një kontratë për hidrokarburet, e cila ka një klauzolë, nenin 18 që e mbron kompaninë, nuk lejon që të bëhen lëvizje të saj pa miratimin e kompanisë. Me gjithë këtë, qeveria e PD ka bërë më të jashtëzakonshmen, dhe më e jashtëzakonshmja ka qenë vendosja e rentës 10 përqind.
Vendosja e rentës 10 përqind është disa herë më shumë se tatim fitimi.
Renta vendoset mbi 10 përqind të shitjeve të përgjithshme dhe në raste të caktuara mund të arrihet në 50 përqind të fitimit.",- u shpreh Berisha. 

Të fundit