Pas kandidatëve të 14 majit, nga Alibeaj distancohen edhe deputetët. Kush mori pjesë në mbledhje

Enkelejd Alibeaj zhvilloi sot një mbledhje me deputetët që e mbështesin. 

Në mbledhje për përgatitjen e fushatës morën pjesë vetëm 10 prej tyre që deklaruan se mbështesin 13 emrat e mbetur në garë.

Në takim mësohet se kanë marrë:

Gazment Bardhi

Arbi Agalliu

Lefter Gështenja

Andia Ulliri

Flutura Açka

Merita Bakiu

Eralda Tase Bano

Selaudin Jakupllari

Zheni Gjergji

Deputeti i Partisë Demokratike, Arbi Agalliu në një deklaratë për mediat pas përfundimit të mbledhjes tha se do të mbështesë vetëm kandidatët që janë në logon e PD-së.  

‘Do mbështes kandidatët që janë nën logon e PD-së. Në pjesën më të logjikshme të kësaj situate do duhet të japim një lloj shembulli për të mos e ndarë me tej elektoratin e djathtë. Çdo përpjekje do të përqendrohet kundër kësaj qeveria.

Kandidati i Vlorës është i lirë të mbajë qëndrimet e tij dhe shpresoj të votojnë atë parti nga e cila kanë dalë.’- tha Arbi Agalliu.

Kujtojmë se nga data 27 mars që ishte afati i regjistrimit e deri më tani, 6 kandidatë të palës së Alibeajt janë tërhequr nga gara, situata të ndodhura në Lezhë, Kurbin, Librazhd, Vorë, Korçë dhe më së fundi kandidati i Krujës.

Tërheqje ka patur edhe në radhët e këshilltarëve për Këshilla Bashkiakë.